کراچی میں موسم خشک اور صبح میں کہر چھائے رہنے کاامکان ہے۔
محکمہ موسمیات کے مطابق آج کراچی کا کم سے کم درجہ حرارت 13 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 28 سے 30 ڈگری سینٹی گریڈ کے درمیان رہنے کا امکان ہے۔
اس کے ساتھ ساتھ ہوا میں نمی کا تناسب 35 فیصد ہے جبکہ شمال مشرق کی سمت سے 28 کلو میٹر فی گھنٹہ کی رفتار سے ہوائیں چل رہی ہیں۔
محکمہ موسمیات کے ترجمان انجم نذیر کے مطابق 11 سے 13 فروری کے دوران کراچی میں سردی کی شدت کم رہے گی، مغربی ہواؤں کے سسٹم کے باعث ملک کے جنوبی حصے کو سائیبرین ہوائیں متاثر کرنا چھوڑدیں گی۔
سائیبرین ہوائیں نہ چلنے کے باعث دن میں درجۂ حرارت 28 سے 30 ڈگری تک رہنے کا امکان ہے جبکہ رات میں درجۂ حرارت 15 سے 17 ڈگری سینٹی گریڈ کے درمیان رہ سکتا ہے۔
Advertisement
واضح رہے کہ عام طور پر 15 فروری کے بعد موسم گرم ہوجاتا ہےلیکن اس بار فروری کے آخر تک موسم ٹھنڈا رہے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
