وزیر اعظم عمران خان کی کیپٹل ہل آمد پر کانگریس ارکان نے ان کا شاندار استقبال کیااور پاکستان کی قومی زبان اردو میں وزیر اعظم کو خوش آمدید کہا۔

 وزیراعظم  عمران خان نے کیپٹل ہل میں کانگریس اراکین سے ملاقاتیں کیں، ان کےہمراہ  وزیرخارجہ شاہ محمود قریشی بھی موجود تھے۔

امریکی ایوان نمائندگان کی اسپیکر نینسی پلوسی  نے کہا کہ پاکستان امریکا کیلیے بہت اہم ملک ہے، امریکا میں مقیم پاکستانی امریکا کی ترقی میں اہم کردار اداکررہےہیں،امریکا میں ڈاکٹرز کی بڑی تعداد کا تعلق پاکستان سے ہے،جنوبی ایشیا میں قیام امن کے لئے وزیراعظم عمران خان کی خدمات کو سلام پیش کرتی ہوں،دہشتگردی اور منی لانڈرنگ کےخلاف پاکستان کا تعاون حاصل ہے۔

اس مو قع پررکن کانگریس شیلا جیکسن لی نے کہا کہ خطے میں قیام امن کیلیے وزیراعظم عمران خان کی خدمات کا خیر مقدم کرتے ہیں

پاکستان کے ساتھ تعلیم،قابل تجدید توانائی کے شعبےمیں تعاون کریں گے،جنوبی ایشیا میں پاکستان کا کردار انتہائی اہم ہے، پاکستان کی آبادی کا 60 فیصدنوجوانوں پر مشتمل ہے،امریکی انتظامیہ کو پاکستان سے تعلقات مزید مضبوط بنانے ہوں گے۔

 رکن کانگریس جم بینکس نے کہا کہ افغانستان میں امن  کیلئے وزیراعظم عمران خان کی خدمات قابل ستائش ہیں امریکی  صدرٹرمپ سے وزیراعظم کی ملاقات مفید رہی، دہشتگردی کےخلاف جنگ میں پاکستان نےہزاروں قربانیاں دیں ہیں، وزیراعظم عمران خان نے افغان مسئلےکا تاریخی حل تجویز کیا۔پاکستان اور امریکا کے تعلقات مزید مضبوط اور مستحکم ہوں گے ۔