بھارتی جارحیت، مقبوضہ کشمیرمیں کرفیو کا 15واں دن

شبین رضا

19th Aug, 2019. 09:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی جارحیت، مقبوضہ کشمیرمیں کرفیو کا 15واں دن

مقبوضہ کشمیرمیں مسلسل 15 ویں روز بھی کرفیو اور دیگر پابندیاں برقرار ہیں۔

تفصیلات کے مطا بق سری نگر کا مصروف علاقہ لال چوک آج بھی ویران ہے جہاں سڑکوں سے ٹریفک غائب ہے، بھارت مخالف احتجاج روکنے کے لیے جگہ جگہ بھارتی فوج تعینات ہے۔

اس صورتحال میں کرفیو کے باوجود کشمیریوں کے بھارت مخالف مظاہرے جاری ہیں، جو پاکستانی پرچم تھامے آزادی کے حق میں اور ’’گو انڈیا گو‘‘ کے نعرے لگا رہے ہیں۔

ذرائع کے مطا بق پورے دن میں کرفیو میں محض ایک گھنٹے کی نرمی سے شدید پریشانی کا سامنا ہے، وادی کی خراب صورتِ حال میں بچوں کو اسکول بھیجنا ناممکن ہو گیا ہے، مقبوضہ کشمیر میں قابض بھارتی حکام کی ریاستی دہشت گردی کے با عث انٹرنیٹ سروس بھی معطل ہے،دوسری جا نب حریت رہنماؤں سمیت مختلف سیاسی رہنما بھی نظر بند یا جیلوں میں قید ہیں۔

واضح رہے کہ مودی سرکار کی جانب سے رواں ماہ 5 اگست کو مقبوضہ کشمیر کو خصوصی حیثیت دینے والے آرٹیکل 370 کو ختم کردیا گیا تھا،جس کے بعد سے سمسل پندوہ روز سے کر فیو نا فذ ہے اور آمدورفت کا سلسلہ مکمل طور پر معطل ہے۔