یونیسیف نےخبردارکیاہےکہ فنڈزکی کمی کی وجہ سےتصادم اورقدرتی آفات سےمتاثرہ علاقوں میں لاکھوں بچوں کی زندگیاں خطرےمیں ہیں ۔

غیرملکی خبررساں ادارے کےمطابق بچوں کےحقوق سےمتعلق اقوام متحدہ کے امداد ی ادارہ یونیسف نےخبردارکیاہےکہ فنڈزمیں کمی کی وجہ سے خلفشاراورقدرتی آفات سے متاثرہ علاقوں کےلاکھوں بچوں کی زندگیاں خطرے میں پڑ گئیں ہیں۔

یونیسیف کے مطابق رواں سال 4 بلین ڈالر فنڈزاکھٹا کرنےکاہدف تھاجبکہ سال 2019 ختم ہونےکے قریب ہےاورادارےکوابھی تک اہداف کی آدھی رقم ملی ہے جبکہ ادارہ دنیا بھر کے 60 کے قریب ممالک کے41 ملین بچوں کی زندگیاں بچانے،انہیں صحت، تعلیم، غذا اورتحفظ دینے کے پروگرام فراہم کررہاہے۔

اس  حوالے سے یونیسیف کی ایگزیکٹو ڈائریکٹرہینریٹا فورنےکہاکہ پیچیدہ انسانی بحرانوں کےباعث دنیا بھرمیں لاکھوں کمزور بچےتیزی سے سنگین مسائل کا شکارہورہے ہیں۔ اضافی وسائل کےبغیر یہ بچےاسکول نہیں جاسکیں گے،اورنہ انہیں پولیو کے قطرےپلائےجاسکیں گے، نہ ہی  یہ بچےمناسب غذاحاصل کرسکیں گے، تشدد اور بدسلوکی سےمحفوظ نہیں رہیں گے۔

Advertisement

Millions of vulnerable children are suffering the grievous consequences of increasingly complex humanitarian crises. Without additional resources, these children will not go to school, be vaccinated, receive adequate nutrition or be protected from violence and abuse.

— Henrietta H. Fore (@unicefchief) October 22, 2019

 ان  کامزید کہناتھاکہ ہمارا مطالبہ ہے کہ بچوں کی بنیادی ضروریات کوپورا کرنےکیلئےڈونرزادارے کو اضافی طورپرسپورٹ کریں اوراس سلسلے میں ہنگامی بنیادوں پر اقدامات اٹھائے جائیں۔

ہینریٹا فورنے خدشہ ظاہر کیاہےکہ اگر رواں سال کے آخر تک فنڈز کی کمی برقرار رہی تو اس کے نتائج سنگین ہوں گے۔

 انہوں نے کہا کہ شام کے متعدد حصوں میں جنگ جاری ہے جبکہ  ترکی، لبنان،اردن، عراق اور مصر کے متاثرہ بچوں کیلئے امدادی پروگراموں کی مد میں ادارے کو 249 ملین ڈالر فنڈز گیپ کا سامنا ہے جس کے باعث 4 لاکھ 60 ہزار مہاجرین کے بچے تعلیم سے محروم ہو سکتے ہیں۔