انڈونیشیامیں پولیس ہیڈکوارٹرزکےقریب خود کش حملے میں ایک حملہ آور ہلاک جبکہ 6 پولیس اہلکار زخمی ہو گئےہیں۔

غیرملکی  خبررساں ادارےکےمطابق انڈونیشیا کےجزیرے سماٹراکے شہرمدن میں بدھ کےروز ایک مشتبہ خودکش بمبار نے پولیس ہیڈ کوارٹر کےباہر خود کودھماکےسے اڑا دیا،جس کےنتیجےمیں چھ افراد زخمی ہوگئے ہیں ۔

پولیس حکام کاکہناہےکہ شبہ ہےکہ دھماکا خودکش تھاجس میں ایک حملہ آورماراگیاہے۔حکام کےمطابق دھماکہ پولیس ہیڈ کواٹرکی عمارت کی پارکنگ کے قریب ہوا۔

اطلاعات ہیں کہ مقامی وقت کےمطابق صبح 8 بج کر 45 منٹ پرپولیس اسٹیشن پر 2 خود کش بمباروں نے حملہ کیاہے۔

پولیس حکام کے مطابق حملے میں زخمیوں میں سےچارپولیس اہلکارجبکہ دو شہری زخمی ہوئے ہیں ۔  جبکہ تمام زخمیوں کواسپتال منتقل کردیا گیاہےجہاں انہیں طبی امداد دی جارہی ہے۔

پولیس کا کہنا ہے کہ وہ خود کش حملہ آور کی شناخت کررہےہیں اور یہ بھی معلوم کر رہے ہیں کہ یہ اس کی ذاتی کارروائی تھی یا وہ کسی انتہا پسند جماعت کا نمائندہ تھا۔

واضح رہےکہ حالیہ  برسوں میں انڈونیشیامیں داعش سےمنسلک عسکریتی تنظیم جے اے ڈی کی جانب سےپولیس  کےخلاف حملوں میں تیزی آئی ہے۔  گزشتہ برس سےاب  تک مختلف حملوں  میں  تیس  افراد  ہلاک جبکہ متعددزخمی ہوئے ہیں۔

اس سے قبل  گزشتہ ماہ بھی انڈونیشیاکےجزیرےجاواکےایک  قصبےمیں وزارت داخلہ کےدورے کے دوران ایک شخص نےچاقوسے وارکرکے وزیردفاع سمیت تین افرادکوزخمی کردیاتھا۔