بھارتی کرکٹر،سیاستدان اورکارتارپورکےاہم کردارنوجوت سنگھ  سدھوکو کرتارپورراہداری  کی افتتاحی  تقریب میں شرکت کےلئےاب تک این اوسی نہیں مل سکی ہے۔

 تفصیلات  کےمطابق تعصب پسندبھارتی حکومت نوجوت سنگھ سدھو کوکرتارپورراہداری کےافتتاح میں شرکت کےلئےاجازت دینےمیں پس وپیش کررہی ہے۔

تفصیلات کےمطابق کرتارپورمیں گردوارےکےافتتاحی تقریب کی تیاریاں زوروشورسےجاری ہیں، لیکن بھارتی حکومت سابق کرکٹراورسیاست دان نوجوت سنگھ سدھو کی راہ کاکانٹابن گئی ہے۔

افتتاحی تقریب میں شرکت کے لئے نوجوت سنگھ نےبھارتی حکومت سےاجازت کےلئےدوسراخط لکھا، بھارتی وزیر خارجہ سبرامنئیم جے شنکرکوایک ہفتےمیں یہ دوسراخط بھیجا گیاہے۔لیکن بھارتی حکومت کرتارپور راہداری کی افتتاحی تقریب میں شرکت کے لئے سدھو کواجازت دینےمیں پس وپیش کررہی ہے۔

خط میں کہا گیا ہے کہ گوردوارہ کرتارپور صاحب کےدرشن اورافتتاحی تقریب میں شرکت کی اجازت دی جائے، کرتارپور راہداری کے ذریعے نو نومبر کو جانا چاہتا ہوں، کرتارپور سے جانے کی اجازت نہیں دی جاتی تو واہگہ سے جانے دیا جائے تاہم بھارتی حکومت نےسدھو کو تاحال کوئی جواب نہیں دیا۔

 اس  سے  قبل گزشتہ  روز  بھی  بھارتی ریاست  امرتسرمیں سکھ  برادری  کی جانب سےوزیراعظم  عمران خان کےساتھ  سدھوکی تصاویروالےبینرزبرداشت نہیں کرسکی تھی اورز بردستی  بینرز  ہٹاوادئیےتھے ۔

واضح رہے وزیراعظم عمران خان نےنوجوت سنگھ سدھوکوافتتاحی تقریب میں شرکت کی دعوت دی تھی ، جس پر نوجوت سنگھ سدھونےخوشی کااظہارکرتےہوئےپاکستان آنےکی دعوت قبول کرلی تھی، نوجوت سنگھ سدھو کا کہنا تھا کہ اس تاریخی تقریب میں مدعو کرنے پرعمران خان کا شکر گزار ہوں۔

خیال رہے  کہ حکومت پاکستان بابا گرونانک کے 550ویں یوم پیدائش کے موقع پر کرتارپورراہداری کھولنے کے لیے پُرعزم ہے،کرتارپورراہداری کی افتتاحی تقریب نونومبرکو ہوگی، جس میں وزیراعظم عمران خان اور آرمی چیف جنرل قمر جاوید باجوہ شرکت کریں گے، افتتاح کے بعد یہ پاکستان کا سب سے بڑا گردوارہ بن جائے گا۔