فرانسیسی صدر اسرائیلی پولیس پر برس پڑے
فرانسیسی صدرچرچ میں صدرسےپہلےداخل ہونے پر اسرائیلی پولیس پربرس پڑے۔
غیرملکی خبررساں ادارےکےمطابق فرانسیسی صدر میکرون اسرائیلی پولیس پراس وقت برس پڑے جب اسرائیلی پولیس کے چند اہلکاروں نے قدیم سینٹ اینی چرچ میں صدر سے پہلے داخل ہونے کی کوشش کی۔
قدیم شہر میں واقع’’ سینٹ اینی‘‘ چرچ فرانسیسی حکومت کی ملکیت ہےاوربدھ کوصدرمیکرون کےدورہ سےپہلےہی اسرائیلی پولیس نے وہاں داخل ہونے کی کوشش کی۔
صدر میکرون نےغصہ ہوتےہوئےاسرائیلی پولیس سےکہاکہ ’’میرے خیال میں ہربندے کو قوانین اور اصولوں کا علم ہےجو کچھ آپ میرے سامنے کر رہے ہیں مجھے نہیں پسند، باہر نکلئے۔
AdvertisementCoup de colère de #Macron contre la police israélienne à Jérusalem. Dans les pas de Chirac en 1996 pic.twitter.com/DKP5ICThTK
— Ava Djamshidi (@AvaDjamshidi) January 22, 2020
میکرون ان 40 سےزائدعالمی رہنماؤں میں سے ایک ہیں جو یروشلم میں ہونے والے پانچویں عالمی ہولوکاسٹ فورم میں شرکت کریں گے،ان کے علاوہ اس اجلاس میں روسی صدرولادیمیر پیوٹن ،امریکی نائب صدرمائک پینس اوربرطانیہ کےشہزادہ چارلس شامل ہیں ۔
واضح رہےکہ یہ پہلی دفعہ نہیں ہےکہ کوئی فرانسیسی صدراسرائیلی پولیس پربرساہو، اس سے پہلے بھی 1996 میں سابق فرانسیسی صدر یاک شیراک کے دورہ اسرائیل کے موقع پر اسرائیلی پولیس نے یہی حرکت کی تھی، صدر شیراک نے بھی غصے ہوتے ہوئے کہا تھا ” کیا آپ لوگ چاہتے ہیں میں واپس جہاز میں چلا جاؤں اور وہاں سے فرانس چلا جاؤں”۔
ماہرین کے مطابق اسرائیل کی یہ حرکت فرانس کو یہ باور کروانے کے لئے تھی کہ فلسطینی اکثریت کے اس علاقہ میں آج بھی اسرائیلی کی عمل داری قائم ہے۔
واضح رہےکہ سینٹ اینی چرچ شہر کے اس قدیم حصہ میں واقع ہے جس کے بارے میں خیال کیا جاتا ہے کہ یہ حضرت مریم کی جائے پیدائش ہے، بارہویں صدی میں یہ چرچ صلیبی جنگوں کے دور میں تعمیر ہوئی اور عثمانی دور حکومت میں سلطان عبدل مجید نے خیر سگالی کے جذبہ کے تحت یہ چرچ نپولین اول کو دے دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News