تھائی لینڈ میں پلاسٹک کی تھیلیوں پر پابندی عائد کر دی گئی۔
تفصیلات کے مطابق تھائی لینڈ میں پلاسٹک کی تھیلیوں پر پابندی عائد کی گئی جس کے نتیجے میں لوگوں نے کپڑے کے تھیلے خریدنے سے انکار کر دیا۔

تھائی لینڈ کے مقامی لوگوں نے کپڑے کے تھیلے خریدنے سے انکار تو، کنجوس گاہک سامان رکھنے کے لیے گھر سے بالٹیاں، ٹرالیاں اور سفری بیگز لے آئے۔

یاد رہے تھائی لینڈ میں پلاسٹک پر پابندی 2020 کے آغاز پر لگائی گئی۔

پلاسٹک پر پابندی کی وجہ یہ بتائی ہے کہ ایک آدمی 8 پلاسٹک کی تھیلیاں استعمال کرتا جسے ٹھکانے لگانے کے لیے کوئی نظام موجود نہیں ہے جس کی وجہ سے بعد میں بہت مشکلات کا سامنا ہوتا ہے۔

تھائی لینڈ میں یہ تھیلیاں نکاسی آب کے لیے درد سر اور سمندری حیات کے لیے موت کا پروانہ بن جاتی ہیں۔

پلاسٹک کی پابندی کے بعد ملک بھر کے سپر اسٹور پر کپڑے کے تھیلے رکھ دیے گئے ہیں جن کی معمولی سی قیمت  ہے لیکن کنجوس گاہک یہ تھیلے نہیں خرید رہے۔

واضح رہے کہ پلاسٹک کی تھیلیوں پر پابندی کا فیصلہ تھائی لینڈ کو سمندری آلودگی پھیلانے والا سب سے بڑا ملک قرار دیئے جانے کے بعد کیا گیا۔