کویت پولیس نےسوشل میڈیاپرقابل اعتراض  ویڈیوبنانےوالےجوڑےکو گرفتارکرلیاہے۔

کویت کی پولیس نےکاروائی کرتےہوئے قابل اعتراض ویڈیوبناکراسے سوشل میڈیا پر شیئر کرنے والےشادی شدہ جوڑے کو گرفتار کرلیاہے۔

میاں اور بیوی نے ایک روز قبل نامناسب ویڈیو بناکر سوشل میڈیاپرشیئرکی تھی، جس کے بعدلوگوں نےانہیں تنقیدکانشانہ بنایا تھا۔

نامناسب ویڈیوکےوائرل ہونے کے بعد کویتی پولیس نے ایکشن لیتے ہوئے میاں اوربیوی کو گرفتار کرلیا۔

عرب اخبارکی رپورٹ کےمطابق ویڈیو میں خاتون کو فحش انداز میں جسم کی نمائش کرتے ہوئے بھی دیکھا جا سکتا تھا۔

رپورٹ کے مطابق پولیس نے ویڈیو وائرل ہونے کے بعد جہاں میاں اور بیوی کو گرفتار کیا، وہیں ویڈیو بنائے جانے کی تحقیقات کا بھی آغاز کیا اور ابتدائی تفتیش کے مطابق جوڑے نے جان بوجھ کر اس طرح نامناسب ویڈیو بنائی تھی۔

مختصردورانیےکی ویڈیو میں شوہر کو بیوی کے بالوں کو سنوارتے اور کنگھی کرتے ہوئے دکھایا گیا تھا جب کہ اس دوران دونوں اپنی مقامی زبان میں باتیں بھی کرتے دکھائی دیے۔

رپورٹ کے مطابق دونوں نے ویڈیو میں فحش اور نامناسب فقرے بھی کسے اور خاتون ویڈیو میں فحش انداز میں اپنے جسم کی نمائش بھی کرتی دکھائی دیں۔

خاتون کی جانب سے فحش فقرے کسے جانے اور جسم کی نمائش کیے جانے پر لوگوں نے جوڑے کو آن لائن تنقید کا نشانہ بنایا تھا جس کے بعد پولیس نے ایکشن لیتے ہوئے جوڑے کو گرفتار کرلیا۔