بھارتی ریاست کرناٹکا کے ضلع ہبلی کےقریب بدارشنگی  گاؤں میں واقع ایک گورنمنٹ اسکول کی دیوار اور دروازوں پر کچھ لوگوں نے چاک سے ’’پاکستان زندہ باد‘‘ لکھ دیا۔

بھارتی میڈیاکےمطابق استاداورطلبا پیر کی صبح جب اسکول آئےتواسکول کی دیوارپر’’پاکستان زندہ باد‘‘ کے نعرے درج دیکھ کر دنگ رہ گئے۔ پاکستان کے حق  میں نعرے دیکھ کر اسکول انتظامیہ نے اس مقامی تھانہ میں شکایت درج کرادی، جبکہ مقامی افراد نےاحتجاج کیا اوراسکول کی دیوارپرنعرے درج کرنے والوں کے خلاف کارروائی کا مطالبہ کیا۔

پولیس نے شکایت درج کرکےمعاملے کی تحقیقات کا آغاز کردیا ہے۔

واضح رہےکہ حال ہی میں ہبلی کےنجی انجنیئرنگ کالج کے 3 کشمیری طلبا کوپاکستان کےحق میں نعرے لگانے اور پاکستان کےحق میں ویڈیوشیئرکرنےپرگرفتارکیاگیا تھا اوران پربغاوت کا مقدمہ درج کیا تھا۔

اس کے علاوہ  کرناٹکاہی کےضلع وجےپورہ میں گزشتہ روزایک 40 سالہ شخص نےسوشل میڈیاپر ’’مجھے پاک آرمی سےمحبت ہے‘‘ اور’’پاکستان زندہ باد‘‘ کا گانا شیئر کیا تھا جس کے نتیجے میں اس شخص کوگرفتارکرکےاس پر بغاوت کا مقدمہ درج کیا گیا ہے۔

واضح رہے کہ بھارت میں مسلم کش فسادات میں انتہاپسندہندوؤں کےمسلمانوں پربدترین تشددکےنتیجےمیں 13 افراد جاں بحق ہوگئے ہیں۔

 گزشتہ روزبھارت میں انتہاپسند ہندوؤں نےدہلی کےعلاقےاشوک نگرکی مسجدپرحملہ کردیااس دوران چندانتہاپسندمسجدکےمینارپرچڑھ گئےاورانہوں نے وہاں بھارتی جھنڈےکےساتھ ہندوؤں کے مذہبی رنگ والا پرچم لہرادیا۔