کیلیفورنیا میں بس میں فائرنگ کےنتیجےمیں خاتون ہلاک  جبکہ 5 افرادزخمی ہوگئے۔

غیرملکی خبررساں ادارےکےمطابق امریکی ریاست کیلیفورنیامیں بس میں فائرنگ کےنتیجےمیں51 سالہ  خاتون ہلاک اور 5 افراد زخمی ہوگئے ۔

پولیس کےمطابق بس لاس اینجلس سےسان فرانسسکو جارہی تھی، فائرنگ کے نتیجے میں زخمی ہونے والوں کواسپتال منتقل کردیا گیا ہےجن میں 2 کی حالت تشویش ناک بتائی جارہی ہے، تاہم واقعے میں  بس  ڈرائیورمحفوظ رہا۔

 کیلیفورنیا ہائی وے پیٹرول سارجنٹ برائن پیننگ کاکہناہےکہ فائرنگ کےوقت بس ڈرائیور نے بہادری کا مظاہرہ کیا وہ ہیرو کہلانےکا مستحق ہے۔

برائن پیننگ کے مطابق ڈرائیور نے فوری 911 پر اطلاع دی اور بس گیس اسٹیشن پر کھڑی کرکے حملہ آور سے پستول چھین کر اسے بس سے باہر نکلنے پر مجبور کردیا۔

میڈیارپورٹ کےمطابق مشتبہ حملہ آورکی شناخت 33  سالہ انتھونی  ڈیونٹ کےنام سے ہوئی ہے۔ملزم میری لینڈ کےدارالحکومت کیپٹل ہائٹس کارہنےوالاہے  ۔

واقعےکےبعد پولیس نےحملہ آورکوحراست میں لےلیاہےپولیس کاکہنا ہے کہ اب تک ملزم لاس  اینجلس سےبس میں سوارہواتھاتاہم  اب تک  یہ واضح  نہیں ہوسکاہےکہ وہ کہاں سےتعلق رکھتاہے۔

حکام کےمطابق فائرنگ کا محرک اب تک سامنےنہیں آیاہےتاہم پولیس چیف کاکہناہےکہ واقعہ  دہشتگردی  کاشاخسانہ نہیں لگتا۔

 دوسری جانب بس کمپنی کی جانب سے بھی واقعےپرافسوس کااظہارکیاہےتاہم مزید کسی قسم کی معلومات فراہم کرنےسےگریزکیا  گیاہے ۔

دوسری جانب امریکی ریاست ٹیکساس کی ایک یونیورسٹی میں  بھی فائرنگ  کا واقعہ   پیش  آیا  ہے ۔ فائرنگ کے نتیجے میں   2 طلبہ ہلاک اور ایک زخمی ہو گیا۔

 میڈیارپورٹس کےمطابق فائرنگ اے اینڈ ایم یونیورسٹی کےہاسٹل میں پیش آیاہے  ۔ یونیورسٹی میں تمام کلاسز منسوخ کر دی گئی ہیں اور پولیس نے طلبہ اوراساتذہ کو کمروں میں چھپ جانے کی ہدایت کی ہے۔

واضح رہےکہ گزشتہ سال جولائی میں کیلیفورنیا میں ہی میلے کےدوران مسلح شخص نےاندھا دھند فائرنگ کردی تھی جس کے نتیجے میں 3 افرادہلاک  اوردرجن سےزائدزخمی ہوگئےتھے۔