چین کےشہر ووہان سےشروع  پھیلنےوالےکوروناوائرس نےپوری دنیاکواپنی لپیٹ میں لئےلیاہے۔

 جان لیواوبا اب تک  196 ممالک میں پھیل چکی ہے۔ دنیابھرمیں کوروناوائرس سےمرنےوالوں کی تعداد 20  ہزارسےبھی تجاوز کرگئ ہے۔ جبکہ متاثرہ افراد کی تعداد 4 لاکھ 62 ہزار سے زائد ہے۔ 1 لاکھ 13 ہزار سے زائد افراد کورونا وائرس سے صحت یاب بھی ہوچکے ہیں۔

برطانیہ میں کورونا وائرس کے مریضوں کی تعداد 8 ہزار 264 ہوگئی ہے۔

فرانس میں مزید231 افراد کے ہلاک ہونے کے بعد وہاں مجموعی تعداد 1 ہزار 331 ہوگئی جبکہ مریضوں کی تعداد 25 ہزار 233 ہے۔

ایران میں مجموعی ہلاکتوں کی تعداد 2 ہزار77 ہوگئی ہے جبکہ مریضوں کی تعداد 27 ہزار 17 ہے۔ جرمنی میں کورونا وائرس مریضوں کی تعداد 37 ہزار 323 ہے اور ہلاکتوں کی مجموعی تعداد 206 ہے۔

اسپین میں بھی کورونا وائرس نے بڑے پیمانے پر تباہی مچائی ہے اور تاحال اس مہلک وائرس سے ہلاک ہونے والوں کی تعداد 3 ہزار 434 ہوگئی ہے جو کہ کورونا وائرس کے مرکز چین سے بھی زیادہ ہے۔ اسپین میں گزشتہ 24 گھنٹےمیں 738 ہلاکتیں ہوئی ہیں۔

امریکا میں کورونا وائرس کےمریضوں کی تعداد 64 ہزار671 ہوگئی ہے جبکہ یہاں اب تک 909 افراد جان کی بازی ہار چکے ہیں۔

اٹلی میں کورونا وائرس اب تک 7ہزار 503 افراد کی موت کا سبب بن چکاہے۔یہ وائرس اٹلی میں 74 ہزار 386 افراد کو بیمار بھی کر چکا ہے۔

 پاکستان میں بھی کوروناوائرس کے متاثرہ افرادکی تعداد میں اضافہ ہورہاہے۔ کوروناوائرس سےمتاثرہ  افرادکی تعداد  1081 سےتجاوزکرگئی ہےجبکہ اس وائرس سے 8  افرادجان کی بازی ہارگئےہیں ۔