دنیا بھر میں کورونا سے ہلاکتوں کی تعداد 2لاکھ 39ہزار 600 سے تجاوز کرگئی ہے۔

امریکا میں کورونا سے ہلاکتوں کی تعداد 65 ہزار سے تجاوز کرگئی جبکہ چار سو بائیس نئے کیسز سامنے آنے کے بعد متاثرین کی تعداد 11 لاکھ 31 ہزار سے آگے بڑھ گئی ۔

متاثرہ ممالک کی فہرست میں اسپین بدستور دوسرے نمبر پر ہے ۔جہاں متاثرین کی تعداد 242 ہزار سے زائد ہوگئی جبکہ 24ہزار 8 سو سے زائد افراد لقمہ اجل بنے ہیں۔

اٹلی میں بھی تباہ کاریاں رک نہ پائیں اور ابتک 2لاکھ 7 ہزار سے زائد افراد وائرس کا شکار ہیں جبکہ ہلاکتوں کی تعداد 28،ہزار 236 ہوگئی ہیں۔

برطانیہ میں ایک لاکھ ستتر ہزار سے زائد کیسز اور اموات کی تعداد 27ہزار سے زائد رہی ہے جبکہ فرانس میں 167 ہزار سے زائد کیسز اور 24 ہزار 5سو سے زائد ہلاکتیں ہوچکی ہیں ۔

برازیل میں آج بھی 93 نئے کیسز سامنے آئے ۔ اموات بھی رک نہ پائیں ۔ کل 6ہزار 4سو 12 افراد موت کی نیند سو گئے ہیں جبکہ جنوبی کوریا میں ایکبار پھر چھ افراد میں وائرس کی تشخیص ہوگئی ۔

عمران خان کا روسی ہم منصب کے نام پیغام

واضح رہے کہ گذشتہ روز خبر ملی تھی کہ روس کے وزیراعظم میخائل میشوتن کا کورونا وائرس کا ٹیسٹ مثبت آیا گیا ہے، جس کے بعد انہوں نے اپنا عہدہ عارضی طور پر چھوڑ دیا ہے۔

روسی وزیراعظم نے صدر ولادیمیر پیوٹن کو ویڈیو کانفرنس کے ذریعے کورونا مثبت آنے سے آگاہ کیا اور اس کے بعد ٹیلی ویژن پر عوام کو بھی آگاہ کیا۔

روسی صدر ولادیمیر پیوٹن نے وزیراعظم میخائل میشوتن کی طرف سے عہدے سے دستبردار ہونے کی درخواست قبول کرتے ہوئے ڈپٹی وزیراعظم اینڈریو بیلوسوف کو نئی ذمہ داریاں تفویض کر دی ہیں۔

یاد رہے کہ نیشنل کمانڈ اینڈ آپریشن سنٹر کی جانب سے جاری کردہ  تازہ اعداد و شمار کے مطابق ملک میں گزشتہ 24 گھنٹوں کے دوران ایک ہزار 297 کیسز اور 32 اموات رپورٹ ہوئی ہیں، ملک میں کوروناوائرس کے 4 ہزار 715 مریض صحت یاب ہو چکے ہیں۔

پنجاب میں کورونا کے اب تک سب سے زیادہ 6 ہزار 733 کیسز رپورٹ ہوئے ہیں، سندھ 6 ہزار 675، خیبرپختونخوا 2,799، بلوچستان 1,136، اسلام آباد 365، آزاد کشمیر 66 اورگلگت بلتستان میں 340 افراد میں وائرس کی تصدیق ہوئی ہے۔

پاکستان میں اب تک کورونا وائرس کے 4 ہزار 715 مریض صحت یاب بھی ہوئے ہیں۔