ترکی میں زلزلے کے شدید جھٹکے
ترکی کے شہر میں زلزلے کے شدید جھٹکے محسوس کئے گئے ہیں۔...
ترکی کے شہر ازمیر میں آج شام 4:30 بجے زلزے کے شدید جھٹکے محسوس کئے گئے تھے جس کے باعث جانی اور مالی نقصان ہوا ہے۔
تفصیلات کے مطابق ریکٹر اسکیل پر زلزلے کی شدت 7.0 ریکارڈ کی گئی ہے جبکہ زلزلے کے باعث ساحلی علاقوں میں سمندر کا پانی بھی سڑکوں پر آگیا جس کے لوگوں کے مالی نقصان کی اطلاعات ہیں۔
زلزلے کے شدید جٹکوں کی وجہ سے شہر کی 20 عمارتیں بھی تباہ ہوئیں ہیں جس میں 4 افراد کے ہلاک ہونے اور 150 افراد کے زخمی ہونے کی بھی اطلاعات ہیں۔
یاد رہے کہ پاکستان کی جانب سے ازمیر میں شدید زلزلے پر گہرے دکھ اور افسوس کا اظہار کیا گیا ہے۔
ترجمان دفتر خارجہ کا کہنا تھا کہ ترکی کے شہر ازمیر میں شدید زلزلے پر گہرا دکھ اور افسوس ہوا ہے اور اس سلسلے میں ہمیشہ کی طرح پاکستانی قوم ترک بھائیوں کے ساتھ اظہار یکجہتی کرتی ہے۔
Extremely anguished by news of earthquake in Izmir, #Turkey, and people reportedly trapped in demolished buildings. Like always, people of #Pakistan are in strong solidarity with their Turkish brethren. Our best wishes and prayers!@MFATurkey
— Ministry of Foreign Affairs – Pakistan (@ForeignOfficePk) October 30, 2020
دوسری جانب وزیر خارجہ مخدوم شاہ محمود قریشی نے ترکی میں زلزلے کے دوران قیمتی جانوں کے ضیاع پر اظہار افسوس کیا ہے۔
وزیر خارجہ نے غمزدہ لواحقین کے ساتھ اظہار تعزیت کرتے ہوئے کہا کہ دکھ کی اس گھڑی میں ترک بہن بھائیوں کے دکھ میں برابر کے شریک ہیں۔
اپنے پیغام میں شاہ محمود قریشی نے زخمیوں کی جلد صحت یابی کے لئے دعا کی۔
وزیرخارجہ مخدوم شاہ محمود قریشی نے مزید کہا کہ مشکل کی اس گھڑی میں حکومتِ پاکستان اور پاکستانی عوام کی تمام تر ہمدردیاں ترک حکومت اور عوام کے ساتھ ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News