فیس بک لائیو خطاب کے دوران کیوی وزیر اعظم کی اپنی بیٹی سے دلچسپ گفتگو

ویب ڈیسک

11th Nov, 2021. 06:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیس بک لائیو خطاب کے دوران کیوی وزیر اعظم کی اپنی بیٹی سے دلچسپ گفتگو

نیوزی لینڈ کی وزیر اعظم جیسنڈا آرڈرن کو قوم سے فیس بک لائیو خطاب اپنی کمسن بیٹی کی مداخلت کے باعث جلد ختم کرنا پڑگیا۔

جیسنڈا آرڈرن کورونا وائرس سے متعلقہ پابندیوں میں نرمی یا تبدیلی کے حکومتی فیصلوں سے قوم کو آگاہ کرنے کے لیے فیس بک پر لائیو خطاب کررہی تھیں جب ان کی تین سالہ بیٹی نے مداخلت کرکے والدہ کو خطاب جلد ختم کرنے پر مجبور کردیا۔

خطاب کے دوران اچانک بیٹی کے آواز دینے پر جیسنڈا اسے مسکراکر دیکھتی اور کہتی ہیں ’تمہیں اس وقت اپنے بستر پر ہونا چاہیے تھا‘ جس کے جواب میں ان کی بیٹی کہتی ہے کہ نہیں ’ آپ کو یہاں نہیں ہونا چاہیے تھا‘۔

کیوی وزیر اعظم اپنی بیٹی سے کہتی ہیں کہ’یہ سونے کا وقت ہے، اپنے بستر پر واپس جاؤ ، میں بس ابھی آتی ہوں تمہارے پاس‘۔

بیٹی کی جانب سے مداخلت کیے جانے پر جیسنڈا آرڈرن نے عوام اور اپنی بیٹی سے معافی مانگتے ہوئے اعتراف کیا کہ انہیں مختصر وقت کے لیے لائیو ہونا تھا مگر شاید زیادہ دیر ہوگئی۔