امریکا میں لوگوں کے نوکری چھوڑنے کی شرح میں 3 فیصد تک اضافہ ہوا ہے۔
حکومتی اعداد و شمار کے مطابق رواں برس ستمبر میں 44لاکھ لوگوں نے اپنی نوکریاں چھوڑی ہیں۔
اکتوبر میں خالی نوکریوں کی تعداد 1کروڑ 4لاکھ رہی جس کی وجہ نوکریوں کے کم مواقعوں کو سمجھا جارہا تھا لیکن نوکری چھوڑنے کی شرح یہ اشارہ دیتی ہے کہ امریکی بہتر تنخواہ ،ذاتی کاروبار شروع کرنے ، بچوں کی دیکھ بھال میں مشکل اور ان کے اسکول کے شیڈول کے پیش نظر نوکری چھوڑ رہے ہیں۔
ایک سوفٹ ویئر کمپنی کی چیف اکانومسٹ کا کہنا ہے لوگ اپنے کام کے متعلق دوبارہ سوچ رہے ہیں اور ان کے پاس خاصی رقم بھی موجود ہے ۔ یہی وجہ ہے کہ لوگ اطمینان محسوس کرتے ہیں کہ وہ نئی نوکری آسانی سے ڈھونڈ سکتے ہیں ۔
انہوں نے مزید کہا کہ حالات کو دیکھتے ہوئے لگتا ہے نوکری چھوڑنے کی شرح اگلے چند ماہ تک یونہی بڑھتی رہے گی جس کے نتیجے میں مالکان مجبوراً تنخواہیں بڑھائیں گے جبکہ نوجوانوں کو بھی نوکری کا نیا ذریعہ بنایاجاسکتا ہے۔
دوسری جانب امریکا بھر میں کووِڈ19 کے سبب اساتذہ کی کمی بھی شدت اختیار کرگئی ہے جس کے باعث ہزاروں طلباء کی کلاسز منسوخ کی جارہی ہیں۔
پبلک اسکولوں کو اساتذہ کی کمی کے مسئلے کا سامنا تو عرصے سے تھا لیکن عالمی وباء نے اس مسئلے کو سنگین بنادیا ہے۔کوروناوائرس کے دوران پڑھانے کے دباؤ کے سبب لوگوں نے پڑھانا چھوڑ دیا یا جلد ریٹائر ہوگئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News