بپن راوت کی جگہ نئے جنرل نے عہدے کا چارج سنبھال لیا

ویب ڈیسک

16th Dec, 2021. 12:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بپن راوت کی جگہ نئے جنرل نے عہدے کا چارج سنبھال لیا

نئی دہلی: بھارت کے چیف آف ڈیفنس اسٹاف جنرل بپن راوت کی ہلاکت کے بعد جنرل ایم ایم نراونے نے ان کے عہدے کا چارج سنبھال لیا ہے۔

بھارتی میڈیا کے مطابق جنرل ایم ایم نراونے کو جنرل بپن راوت کی جگہ نیا چیف آف ڈیفنس اسٹاف تعینات کیا گیا ہے جبکہ انہیں یہ عہدہ تینوں سروسز چیفس میں سے سب سے زیادہ سینئر ہونے کی بنا پر دیا گیا ہے۔

یہ بھی پڑھیں: بپن راوت کی ہلاکت، بھارت کا نیا سی ڈی ایس کون ہوگا؟

بھارتی میڈیا کے مطابق چیف آف اسٹاف کمیٹی کے درمیان منگل کو ملاقات ہوئی تھی جس میں 8 دسمبر کو جنرل بپن راوت، ان کی اہلیہ اور دیگر 11 اہلکاروں کے ہیلی کاپٹر حادثے میں ہلاکر پر افسوس کا اظہار کیا۔

رپورٹ کے مطابق اس دوران جنرل نراونے نے رائل سعودی فورسز کے کمانڈر فہد بن عبداللہ ال مطیر سے ٹیلی فون پر بات کی جبکہ اس حوالے سے بھارتی فوج کا کہنا ہے کہ اس رابطے میں دو طرفہ دفاعی تعاون پر بات چیت کی گئی ہے۔

یاد رہے کہ اس حادثے میں بچ جانے والے کپٹن ورون سنگھ بھی بدھ کے روز بنگلور میں زخموں کی تاب نہ لاتے ہوئے ہلاک ہوگئے ہیں۔

یہ بھی پڑھیں: بپن راوت کے ہیلی کاپٹر کریش میں واحد زندہ بچ جانے والا گروپ کیپٹن بھی ہلاک

واضح رہے کہ بھارت میں چیئرمین آف دی چیفس اسٹاف کمیٹی کے طور پر ملنے والا چارج تین سروس چیفس پر مشتمل ہے جبکہ چیف ڈیفنس اسٹاف کا عہدہ بنائے جانے سے قبل چیف آف اسٹاف تینوں فورسز کے سربراہان میں سے سب سے زیادہ سینئر کو بنایا جاتا تھا۔