قیادت افواج اتحاد نے یمن کے حوثی باغیوں کے زیر قبضہ دارالحکومت صنعا میں ڈرونز کو کنٹرول کرنے والے ٹیلی کمیونیکیشن سسٹم کو تباہ کر دیا ہے۔
پیر کے روز ہونے والے بم حملے میں شمالی صنعا میں ٹیلی کمیونیکیشن کی وزارت کے قریب سیٹلائٹ گراؤنڈ اسٹیشن کو نشانہ بنایا گیا۔
ابھی یہ واضح نہیں ہو سکا ہے کہ آیا کوئی جانی نقصان ہوا ہے یا نہیں۔
اتحاد کے حوالے سے حکام نے کہا کہ حوثی صنعا میں ٹیلی کمیونیکیشن اور انفارمیشن ٹیکنالوجی کی وزارت کو دشمنانہ کارروائیوں کے لیے استعمال کر رہے ہیں۔
حوثی کے زیرانتظام چلنے والے ٹیلی ویژن المسیرہ نے وزارت ٹیلی کمیونیکیشن کو نشانہ بناتے ہوئے اتحادیوں کے حملے کی اطلاع دی، جس میں ٹیلی یمن ٹیلی کام کمپنی کی عمارت تباہ اور پڑوسی عمارت کو نقصان پہنچا۔
یمن کی جنگ 2014 میں اس وقت شروع ہوئی جب حوثیوں نے صنعا پر قبضہ کر لیا، جس سے سعودی قیادت والے اتحاد کو اگلے سال بین الاقوامی طور پر تسلیم شدہ حکومت کی حمایت کے لیے مداخلت کرنے پر مجبور کیا گیا۔
یاد رہے کہ اس سے قبل گزشتہ ماہ میں متحدہ عرب امارات پرمشتبہ ڈرون حملوں کے بعد سعودی اتحاد نے یمن کے شہر صنعا پر فضائی حملہ کیا ہے جس میں تقریبا14افراد ہلاک ہوئے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News