کویت  میں بھارتی سفارت خانے کے سامنے حجاب پر پابندی کے خلاف احتجاج کیا گیا۔

تفصیلات کے مطابق  بھارت میں حجاب پر پابندی کے خلاف دنیا بھر میں احتجاج کا سلسلہ جاری ہے۔

کویت  میں بھارتی سفارت خانے کے سامنے بھارت کے تعلیمی اداروں میں حجاب پر پابندی کے خلاف احتجاجی مظاہرہ  کیا گیا۔

مظاہرین نے  بھارتی ریاست کرناٹک میں اسکولوں اور کالجوں میں حجاب پر پابندی کے خلاف احتجاج  کے دوران  پلے کارڈز اٹھا رکھے  تھے جن پر مسکان کی تصاویر  بنی ہوئی تھیں۔

People in #Kuwait held a protest in front of the Indian embassy against a ban on hijab in schools and colleges in Karnataka.
They are holding placards with the photos of Muskan.#HijabRow #HijabIsOurPridepic.twitter.com/Wu8hl0jVPl

— Mister J. (@Angryoldman_J) February 17, 2022

یاد رہے کہ آٹھ فروری کو  بھارتی ریاست کرناٹک  میں ایک باحجاب مسلمان طالبہ کو انتہا پسند ہندوؤں کے جتھے کی جانب سے ہراساں کیے جانےکی ویڈیو سوشل میڈیا پر وائرل ہوئی تھی۔

ویڈیو میں دیکھا جاسکتا ہے کہ ایک طالبہ جیسے ہی  پی ای ایس کالج پہنچتی ہے تو وہاں موجود انتہا پسند ہندو اس کے قریب آکر اسے ہراساں کرتے ہیں۔

مزید پڑھیے: کرناٹک کے بعد پڈوچیری میں بھی باحجاب طالبات پر تعلیم کے دروازے بند

نہتی اور تنہا طالبہ بلا خوف و خطر ’اللہ اکبر‘ کا نعرہ بلند کرکے اپنے راستے پر چلتی رہتی ہے۔وہاں موجود کچھ کالج اساتذہ اس طالبہ کو انتہا پسندوں سے بچاکر فوری طور پر کالج کے اندر جانے کا کہتے ہیں۔

A lone Muslim girl on the way to her college in Karnataka, India is being heckled and harassed by a Hindu right-wing mob for wearing a hijab! pic.twitter.com/DiVjCbqpdW

— Ashok Swain (@ashoswai) February 8, 2022

واضح رہے کہ  بھارت میں باحجاب طالبات کے ساتھ ہراسانی  اور امتیازی سلوک کے واقعات روز بروز بڑھتے جارہے ہیں ۔ مودی سرکار کی سرپرستی میں ہندوانتہا پسند حجاب  کے خلاف باقاعدہ مہم چلا رہے ہیں۔

بھارتی ریاست کرناٹک کے دو کالجز میں باحجاب  طالبات کو کالج میں داخلے سے روکا جاچکا ہے۔