ریاض: رمضان المبارک کے مقدس مہینے سے پہلے سعودی عرب میں ایک اونٹ کی اتنی بولی لگائی گئی کہ آپ حیران رہ جائیں گے۔

سعودی عرب کے اس انوکھے اونٹ کی نیلامی کے دوران 70 لاکھ سعودی ریال (14 کروڑ 23 لاکھ 45 ہزار 462) کی بولی لگائی گئی، یہ سعودی عرب میں اب تک کے سب سے مہنگے اونٹوں میں سے ایک ہے۔

خبرایجنسی کے مطابق سعودی عرب کے سب سے مہنگے اونٹوں میں سے ایک ہے اس اونٹ کے لئے سرعام نیلامی کا انعقاد کیا گیا تھا۔

pic.twitter.com/5PP0bJvXmR

Advertisement

— مقاطع فيديو (@Yoyahegazy1) March 25, 2022

نیلامی کے دوران کی ایک ویڈیو بھی سامنے آئی ہے جس میں بولی لگانے والا شخص روایتی لباس میں مجمع کے درمیان مائیکروفون پکڑے ہوئے نیلامی کی بولی لگارہا ہے۔

اونٹ کی شروعاتی بولی 5 ملین سعودی ریال (10 کروڑ 16 لاکھ 48 ہزار 880 روپے) لگائی گئی۔

اونٹ کے لئے زیادہ بولی 7 ملین سعودی ریال کی لگائی گئی جس پر اسے نیلام کردیا گیا۔

سعودی عرب کے سب سے مہنگے اونٹ کی خاصیت کیا ہے؟

ویڈیو میں دیکھا جا سکتا ہے کہ اونٹ کو دھاتی دیوار کے اندر رکھا گیا ہے اور اسے روایتی لباس پہن کر نیلامی میں شریک لوگوں کے ہجوم نے گھیر رکھا ہے۔

 نیلام ہونے والا اونٹ انتہائی نایاب سمجھا جاتا ہے، یہ اونٹ اپنی منفرد خوبصورتی اور انفرادیت کی وجہ سے مشہور ہے، اس طرح کے اونٹ کم ہی نظر آتے ہیں۔

ریگستانی علاقے والے سعودی عرب اور اونٹوں کے درمیان کافی پرانہ رشتہ رہا ہے۔

 اونٹ سعودی عرب کے لوگوں کی تہذیب کا حصہ ہے، یہ صدیوں سے سعودی کے لوگوں کی زندگی میں شامل رہے ہیں اور انہیں ’ریگستان کا جہاز‘ کہا جاتا ہے۔