بین الاقوامی ویب سائٹ نومبیو کے مطابق امارات کے 5 شہروں کو دنیا کے 10 محفوظ ترین شہروں کی فہرست میں شامل کیا ہے۔
غیر ملکی خبر رساں ادارے کے مطابق دنیا بھر میں اقتصادی، سماجی اور سلامتی شعبوں میں بہترین کارکردگی کی بنیاد پر درجہ بندی کرنے والی ویب سائٹ نومبیو نے دنیا کے 10 محفوظ ترین شہروں کی فہرست جاری کی ہے۔
یہ بھی پڑھیں: ابوظہبی میں 8500 سال قدیم عمارتیں دریافت
رپورٹ کے مطابق امارات کی الفجیرہ ریاست کو دنیا کا محفوظ ترین شہر قرار دیا گیا ہے جب کہ ابوظہبی کا دوسرا، عجمان کا ساتواں، شارجہ 8 واں اور دبئی کا اس فہرست میں نواں نمبر ہے۔
متحدہ عرب امارات کی سرکاری نیوز ایجنسی کا دعویٰ ہے کہ متحدہ عرب امارات امن و امان اور معیار زندگی کے حوالے سے عالمی رپورٹوں اور گراف میں پہلی پوزیشن ریکارڈ کرارہا ہے۔
علاوہ ازیں جرمن انٹرنیشنز فاؤنڈیشن نے 2022 میں پسندیدہ ترین ممالک کے حوالے سے رائے عامہ کا ایک جائزہ تیار کیا ہے جس میں 94 فیصد تارکین وطن نے امارات کو محفوظ ترین ملک قرار دیا ہے۔
یہ بھی پڑھیں: اسلام آباد دنیا کے محفوظ ترین شہروں میں سے ایک
واضح رہے کہ بین الاقوامی مسابقت کے حوالے سے بھی متحدہ عرب امارات سماجی امن و استحکام سے متعلق کئی بین الاقوامی گراف میں سرفہرست آچکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News