امریکہ اور چین کے درمیان بڑی بیٹھک، کیا برف پگھلنے والی ہے؟

ویب ڈیسک

22nd Nov, 2022. 11:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکہ اور چین کے درمیان بڑی بیٹھک، کیا برف پگھلنے والی ہے؟

امریکی وزیر دفاع کی چینی ہم منصب سے ملاقات ہوئی ہے جب کہ اس ملاقات کو کشیدگی پر قابو پانے کے لیے اہم اقدام کے طور پر دیکھا جارہا ہے۔

غیر ملکی خبر رساں ادارے کے مطابق کمبوڈیا کے شہر سیئم ریئپ میں رواں سال جون کے بعد وزرائے دفاع کی کانفرنس کے موقع پر امریکی وزیر دفاع لائیڈ آسٹن اور چینی ہم منصب وی فینگے کے درمیان اہم ملاقات ہوئی ہے۔

واضح رہے کہ امریکی ایوان نمائندگان کی سابق سربراہ نینسی پلوسی کے دورہ تائیوان کے بعد دونوں ممالک میں کشیدگی پیدا ہوگئی تھی جب کہ چین نے ردعمل میں سخت برہمی کا اظہار کرتے ہوئے جنگی مشقیں شروع کردیں تھیں۔

تاہم اس حوالے سے امریکہ کا کہنا تھا کہ ان کے دونوں ممالک کے درمیان تناؤ پیدا کرنے کے مقاصد نہیں لیکن چند روز بعد ہی کئی امریکی عہدیداروں نے تائیوان کے دورے کیے جس میں کانگریس کا نمائندہ بھی شامل تھا۔

یہ بھی پڑھیں: امریکہ اور چین کا ایٹمی ہتھیار استعمال نہ کرنے پر اتفاق

چینی تحفظات کے جواب میں امریکی صدر جوبائیڈن کا کہنا تھا کہ ان کی ایک چین پالیسی میں کوئی تبدیلی نہیں آئی اور تائیوان کے ساتھ غیر رسمی، دفاعی تعلقات بھی اس کی پالیسی کا حصہ ہیں۔

یاد رہے کہ گذشتہ دنوں بالی میں گروپ آف 20 کے سربراہی اجلاس میں امریکی صدر جوبائیڈن نے چینی ہم منصب شی چن پنگ سے ملاقات کی تھی جو تین گھنٹے تک جاری رہی تھی۔

خیال رہے کہ چین پڑوسی ملک تائیوان پر اپنی ملکیت کا دعویٰ کرتا ہے جب کہ تائیوان خود کو خود مختار ملک قرار دیتا ہے۔