برطانوی یونیورسٹیز میں بھی مودی سرکار کے کشمیر میں مظالم کی گونج سنائی دینے لگی۔
تفصیلات کے مطابق ایمنسٹی انٹرنیشنل کے زیر اہتمام برطانیہ کی ایسٹ اینگلیا یونیورسٹی میں کشمیر میں جاری انسانی حقوق کی خلاف ورزیوں پر سیمینار منعقد ہوا۔
ایمنسٹی انٹرنیشنل کی طرف سے کشمیر میں جاری انسانی حقوق کی سنگین خلاف ورزیوں پر شدید تشویش کا اظہار کیا گیا۔
لندن سکول آف اکنامکس اور ایسٹ اینگلیا یونیورسٹی سمیت 7 برطانوی تنظیموں کی طر ف سے مودی سرکار کی کشمیر میں مظالم اور آزادی صحافت پر کریک ڈاؤن کی شدید مذمت کی گئی۔
سیمینار سے بھارت ایمنسٹی انٹرنیشنل کی کوآرڈی نیٹر چیری برڈ، اور دیگر شرکاء نے خطاب کیا۔
چیر برڈ نے کہا کہ ماورائے عدالت قتل، جبری گمشدگیاں اور جتھہ انصاف مودی کے ہندوستان کی نام نہاد جمہوریت کا مکروہ چہرہ بے نقاب کرتے ہیں۔
انہوں نے کہا کہ کشمیر میں تحریک آزادی کو دبانے کے لیے پیلٹ گن کا استعمال جبر و استبداد کی بدترین مثال ہے۔ مودی نے ہندوستانی صحافت کا گلہ گھونٹ کر اسے آمریت کی طرف دھکیل دیا ہے۔
شرکاء کا کہنا تھا کہ بھارت پاکستان کے صوبے بلوچستان میں بھی دہشتگردوں کی سر پرستی کر کے کشمیر سے توجہ ہٹانا چاہتا ہے۔
صدرایمنسٹی انٹرنیشنل ایسٹ انگلیا یونیورسٹی نے اپنے خطاب میں کہا کہ مسئلہ کشمیر یوکرین اور فلسطینی تنازعے کی طرح سنگین ہے۔ عالمی برادری کو جنوبی ایشیا میں مسئلہ کشمیر کو حل کرنے میں اپنا بھرپور کردار ادا کرنا چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News