سعودی ولی عہد نے ایرانی صدر کو فون کیا اور دونوں رہنماؤں میں غزہ کی صورتحال پر تبادلہ خیال کیا گیا۔
بین الاقوامی خبر رساں ادارے کے مطابق سعودی ولی عہد شہزادہ محمد بن سلمان اور ایرانی صدر ابراہیم رئیسی کے درمیان ٹیلی فونک رابطہ ہوا۔
سفارتی تعلقات بحال ہونے کے بعد دونوں رہنماؤں کا یہ پہلا باقاعدہ رابطہ ہوا ہے۔
ٹیلی فونک گفتگو میں فلسطین اسرائیل کشیدگی پر گفتگو کی گئی۔
دونوں رہنماؤں نے غزہ میں فلسطینی عوام کے نامساعد حالات پر تشویش کا اظہار کیا۔
سعودی ولی عہد نے کہا کہ غزہ میں بڑھتی کشیدگی کے باعث حالات کو مزید ابتر ہونے سے بچانا ہوگا۔سعودی عرب اسرائیل فلسطین کشیدگی کو رکوانے کے لیے عالمی کوششوں کا ساتھ دے رہا ہے۔
محمد بن سلمان نے کہا کہ دونوں جانب سے بے گناہ لوگوں کی جانیں لینے کا عمل افسوس ناک ہے۔ اسرائیل اور فلسطین کو بین الاقوامی انسانی حقوق کا خیال رکھنا ہوگا۔
انہوں نے مزید کہا کہ سعودی عرب فلسطین کاز کے ساتھ کھڑا ہے۔ مسئلہ فلسطین کو حل کروانے کی کوشش جاری رکھیں گے۔
ایرانی صدر ابراہیم رئیسی نے کہا کہ فلسطینی عوام پر اسرائیلی جارحیت افسوسناک ہے۔ کشیدگی کو روکنے کے لیے سعودی عرب کی کوششوں کی تعریف کرتے ہیں۔
واضح رہے کہ حماس کے طوفان الاقصیٰ آپریشن میں اسرائیلی ہلاکتوں کی تعداد 1200 سے زائد ہوگئی جبکہ غزہ پر جاری اسرائیلی بمباری میں شہید فلسطینیوں کی تعداد 1100 تک پہنچ گئی اور 5 ہزار سے زائد افراد زخمی ہیں۔
اسرائیلی افواج کی غزہ پر وحشیانہ بمباری جاری ہے۔اسرائیلی افواج بلاامتیاز رہائشی عمارتوں، خواتین اور بچوں کو بھی نشانہ بنارہی ہیں جس کے سبب ہلاکتوں کی تعداد بڑھتی جارہی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News