لبنانی مزاحمتی تنظیم حزب اللہ نے جنوبی لبنان میں اسرائیلی ڈرون  مار گرایا ہے۔

بین الاقوامی خبررساں ادارے کے مطابق  لبنانی مزاحمتی تنظیم حزب اللہ نے دعویٰ کیا ہے کہ اسرائیل کی سرحد سے تقریباً پانچ کلومیٹر دور خیام کے اوپر اسرائیلی ڈرون مار گرایا گیا ہے۔

حزب اللہ کی جانب سے جاری بیان میں کہا گیا کہ ڈرون کو اسرائیلی علاقے میں گرتے ہوئے دیکھا گیا۔

خیال رہے کہ 7 اکتوبر کے بعد لبنان کے سرحدی علاقوں میں اسرائیلی افواج کے ساتھ کشیدگی کے بعد پہلی مرتبہ حزب اللہ کی جانب سے ایسا دعویٰ کیا گیا ہے۔

حزب اللہ کا دعویٰ ہے کہ گزشتہ تین ہفتوں میں اسرائیل کے 42 مقامات پر 84 حملے کیے گئے ہیں۔

دوسری جانب  فلسطینی مزاحمتی تنظیم حماس کے عسکری ونگ القسام بریگیڈ  نے بڑی کارروائی کرتے ہوئے   غزہ میں گھسنے والے اسرائیلی ٹینکوں پر حملہ کرکے متعدد ٹینک تباہ کر دئیے۔

اسرائیلی فوجیوں نے غزہ کے علاقے بیت الاحیا سے گھسنے کوشش کی تھی۔

القسام بریگیڈ نے اسرائیل کے اہم ترین شہر دیمونا کو نشانہ بنانے کا  بھی دعویٰ کیا تھا۔اسرائیل کے صحرائے نقب میں واقع دیمونا شہر خفیہ حساس جوہری تنصیبات کی وجہ سے اہم ہے۔

واضح رہے کہ غزہ پر اسرائیلی بمباری میں 3 ہزار 300 بچوں اور ایک ہزار سے زائد خواتین سمیت 8 ہزار سے زائد فلسطینی شہید ہوگئے ہیں۔

اسرائیلی بمباری سے زخمیوں کی تعداد  بھی 20 ہزار سے تجاوز کر گئی ہے۔

اسرائیلی فوج  نے غزہ کے ترکش اسپتال کو نشانہ بنایا، وسطی غزہ میں اسرائیلی بمباری سے دیرالبلا کی مسجد بلال بن رباح شہید ہوگئی۔

اسرائیل نے غزہ کے سب سے بڑے الشفاء اسپتال کے قریب بم برسا دیے، القدس اسپتال کو خالی کرنے کی دھمکی دی اور اس اسپتال کے آنے والے راستوں کو تباہ کردیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں