سعودی ولی عہد کا برکس کے تمام ممالک سے اسرائیل کو ہتھیاروں کی فراہمی روکنے کا مطالبہ

ویب ڈیسک

22nd Nov, 2023. 07:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی ولی عہد کا برکس کے تمام ممالک سے اسرائیل کو ہتھیاروں کی فراہمی روکنے کا مطالبہ

سعودی ولی عہد نے برکس کے تمام ممالک سے اسرائیل کو ہتھیاروں کی فراہمی روکنے کا مطالبہ کردیا۔

غیر ملکی خبر رساں ادارے کی رپورٹ کے مطابق غزہ میں جاری کشیدگی کے حوالے سے برِکس کا ورچوئل اجلاس ہوا جس میں روسی صدر دلادیمیر پوتن اور چینی صدر نے ویڈیو خطاب کیا۔

علاوہ ازیں اجلاس میں سعودی عرب، مصر، ایران اور متحدہ عرب امارات کے رہنماؤں اور اقوام متحدہ کے سیکرٹری جنرل انتونیو گوتریس نے بھی ورچوئل شرکت کی۔

ورچوئل اجلاس سے خطاب کرتے ہوئے سعودی ولی عہد نے تمام ممالک سے اسرائیل کو ہتھیاروں کی فراہمی روکنے کا مطالبہ کردیا۔

رپورٹ کے مطابق سعودی ولی عہد کا کہنا تھا کہ فلسطینیوں کی غزہ پٹی سے جبری بے دخلی ناقابل قبول ہے، 1667ء کی تعین کردہ حد بندی کی بنیاد پر خودمختار فلسطینی ریاست کا قیام ناگزیر ہے۔

اجلاس میں غزہ پٹی پر اسرائیلی وحشیانہ حملوں کی شدید مذمت کی گئی اور کہا گیا کہ غزہ میں فوری طور پر انسانی امداد پہنچانی ہوگی۔

اجلاس میں چینی صدر شی جن پنگ نے بھی غزہ پٹی میں فوری جنگ بندی کا مطالبہ کیا جب کہ بھارتی وزیر اعظم نریندر مودی نے اجلاس میں شرکت نہیں کی۔