لبنان میں  اسرائیلی فضائی حملے میں 5 افراد شہید ہوگئے۔

بین الاقوامی خبررساں ادارے کے مطابق لبنان اسرائیل سرحد پر حزب اللہ اور اسرائیلی فوج کے درمیان کشیدگی جاری ہے۔

حزب اللہ نے اسرائیلی نگرانی کے آلات اور انفینٹری پوزیشنز  کو نشانہ بنایا۔

جوابی کارروائی میں اسرائیل نے رہائشی علاقے پر  فضائی حملہ   کیا جس میں 5 افراد شہید ہوگئے۔

ذرائع کا کہنا ہے کہ شہید ہونے والوں میں حزب اللہ کے رہنما کا بیٹا بھی شامل ہے۔

لبنانی فوجی ذرائع نے بتایا کہ اکتوبر کے اوائل میں اسرائیل کے ساتھ سرحدی جھڑپوں کے آغاز کے بعد سے اب تک لبنان میں کل 115 افراد شہید ہو چکے ہیں۔

ذرائع نے نام ظاہر نہ کرنے کی شرط پر بتایا کہ اسرائیل نے  گزشتہ روز جنوبی لبنان کے 28 قصبوں اور دیہاتوں کے مضافات کو نشانہ بنانے کے لیے بھاری توپ خانے استعمال کرتے ہوئے اپنے حملوں میں اضافہ کیا۔

ذرائع نے بتایا کہ بدھ کے روز اسرائیلی ڈرونز اور جنگی طیاروں نے جنوبی لبنان میں 6 مکانات کو تباہ  کیا اور 20 کو نقصان پہنچایا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں