کینیڈین وزیر اعظم جسٹن ٹروڈو کو ایک ریسٹورنٹ میں عوام نے گھیر لیا اور فلسطین کے حق میں نعرے لگائے۔
بین الاقوامی خبررساں ادارے کے مطابق کینیڈین وزیر اعظم کے ریسٹورنٹ میں داخل ہوتے ہی فلسطین کے حامی افراد نے سیز فائر کے نعرے لگائے۔
جسٹن ٹروڈو نے کچھ لوگوں سے بات کرنے کی کوشش کی لیکن وہاں موجود افراد نے مختلف نعروں سے وزیر اعظم کا استقبال کیا۔
مظاہرین نے کینیڈین وزیر اعظم سے کہا کہ تم بچوں کے قاتل ہو، تمہارے ہاتھوں پر خون ہے۔
واضح رہے کہ اسرائیلی فوج نے آج درندگی اور سفاکی کا مظاہرہ کرتے ہوئے غزہ کے الشفاء اسپتال پر ٹینک چڑھا دئیے۔ الشفاء اسپتال کے کمپلیکس میں اسرائیلی فوجی ٹینکوں سمیت داخل ہوگئے۔
اسرائیلی فوج نے الشفاءاسپتال میں گھسنے کی تصدیق کرتے ہوئے کہا کہ انٹیلی جنس معلومات کی بنیاد پر حماس کے خلاف ٹارگٹڈ آپریشن کیا گیا ہے۔
اسرائیلی فوج کا کہنا ہے کہ کارروائی نہ صرف انٹیلی جنس معلومات بلکہ آپریشنل ضروریات پر مبنی ہے۔ ٹیم میں طبی عملہ اور عربی بولنے والے شامل ہیں۔
اسرائیل نے حماس پر الشفاء اسپتال کو آپریشن کے اڈے کے طور پر استعمال کرنے کا الزام عائد کیا ہے جبکہ حماس نے اس اسرائیلی دعوے کو بارہا مسترد کیا ہے۔
الشفاء کمپلیکس میں مریض، عملے اور بے گھر شہریوں سمیت 2300 افراد کئی دنوں کی شدید لڑائی اور فضائی بمباری سے پھنسے ہوئے ہیں۔
7 اکتوبر کو حماس اور اسرائیل کے درمیان شروع ہونے والی اس جنگ میں اب تک 4 ہزار سے زائد بچوں سمیت 11 ہزار سے زائد فلسطینی شہید ہوچکے ہیں جبکہ 30 ہزار کے قریب زخمی ہوئے ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News