منی پاکستان قرار دئیے جانے والے امریکی شہر ہیوسٹن میں مقامی ریسٹورینٹ پر گرینڈ سحری میلے کا اہتمام کیا گیا۔
ہیوسٹن میں بھی گھر سے باہر افطار اور سحری کرنے کا رحجان بڑھ رہا ہے ، دیس میں نظر آنے والی سحری اور افطار کی رونقیں اب پردیس میں بھی امڈ آئی ہیں۔
اس گرینڈ سحری میلے میں لوگوں کا ہجوم دیکھا گیا، ریسٹورینٹس پر انواع قسم کے ذائقے دار پکوانوں سے سجے بوفے لوگوں کی توجہ کا مرکز بن گئے۔
ہیوسٹن کے مقامی ریسٹورینٹ پر گرینڈ سحری میلے کے منتظمین کا کہنا تھا کہ ہر سال ان کی جانب سے ماہ رمضان میں بڑے پیمانے پر سحری میلے کا اہتمام کیا جاتا ہے اور آج کے اس گرینڈ سحری میلے میں 1500 سے زائد افراد نے شرکت کی، جن کے لیے سحری میں خصوصی دیسی پکوانوں کے اسٹالز کے ساتھ نت نئے ملبوسا ت اور جیولری کے اسٹالز بھی لگائے گئے جسے عوام کی جانب سے بے حد پذیرائی ملی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News