اسرائیل نے غزہ میں جارحیت روکنے سے صاف انکار کرتے ہوئے حماس کے خلاف مزید کارروائی کا اعلان کردیا ہے۔
اسرائیلی وزیر دفاع نے فلسطینیوں کے خلاف جارحیت روکنے سے انکار کرتے ہوئے کہا ہے کہ امریکہ کو بتائیں گے کہ اسرائیل ہر جگہ کارروائی کرے گا۔
اسرائیلی وزیر دفاع نے مزید کہاکہ حماس کے خلاف اس جگہ بھی کارروائی کریں گے جہاں اب تک نہیں کی، اسرائیلی یرغمالیوں کی واپسی تک غزہ جنگ روکنے کی اخلاقی ذمے داری ہم پر نہیں۔
ذرائع کے مطابق الشفا اسپتال، ناصر اور العمل اسپتالوں کے محاصرے جاری ہیں، رفح میں اسرائیلی حملوں میں 52 فلسطینی شہید اور درجنوں زخمی ہوگئے۔
شمالی غزہ کے علاقے رفح میں اسرائیلی حملے تیز 30 فلسطینی شہید ہوگئے۔
صہیونی فورسز کی مغربی کنارے میں چھاپے کے دوران 7 فلسطینی گرفتار کیے گئے۔
غزہ میں جنگ سے اب تک شہید فلسطینیوں کی تعداد 32 ہزار 333 ہوگئی جبکہ 74 ہزار 669 سے زائد زخمی ہیں
گزشتہ روز غزہ میں فوری جنگ بندی کے لیے اقوام متحدہ کی سلامتی کونسل نے قرارداد منظور کر لی تاہم ووٹنگ کے دوران امریکہ غیر حاضر رہا۔
سلامتی کونسل کے 10 منتخب ارکان کی پیش کردہ قرارداد پر ووٹنگ کی 14 اراکین نے حمایت کی جبکہ امریکہ نے ووٹنگ میں حصہ نہیں لیا۔
قرارداد جمع کرانے والوں میں الجزائر، گیانا، ایکواڈور، جاپان، مالٹا، سلووینیا، جنوبی کوریا اور سوئٹزرلینڈ شامل ہیں۔
اسرائیلی وزیراعظم نے قرارداد کو امریکی ناکامی قرار دیتے ہوئے امریکی صدر بائیڈن کی درخواست پر اسرائیلی وفد کو امریکہ بھیجنے سے بھی انکار کردیا۔
ترجمان محکمہ خارجہ میتھیو ملر نے امریکی اقدام کی وجہ بتاتے ہوئے کہاکہ قرارداد میں ایسی چیزیں بھی شامل ہیں جو ہمارے طویل مدتی موقف سے مطابقت رکھتی ہے، رفح پرحملہ اسرائیلی سلامتی کو کمزور کرے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News