سوشل میڈیا پر ایک تصویر وائرل ہورہی ہے، جس میں تین افراد بھیڑ کا روپ دھار ڈنکی لگانے کی کوشش کر رہے ہیں۔
تصویر وائرل کرنے والے افراد نے دعویٰ کیا ہے کہ یہ تین افراد الجزائر کے شہری ہیں، جو بھیڑ کا روپ دھار کر بھیڑوں کے ٹرک میں سوار ہوگئے اور یورپ جانے کی کوشش کر رہے تھے، لیکن گرفتار ہوگئے۔
تاہم فیکٹ چیک نے ایسے کسی بھی واقعے کی تردید کرتے ہوئے تصویر کو ایڈٹ شدہ قرار دیا ہے۔
مزید پڑھیں: یمنیٰ زیدی کی مزاحیہ ویڈیو سوشل میڈیا پر وائرل
فیکٹ چیک کے مطابق وائرل تصویر دراصل 2024 کی ڈانس ویڈیو سے لیا گیا اسکرین شاٹ ہے، جس پر پروپینگڈا گھڑا گیا ہے، حقیت میں نہ کوئی گرفتاری ہوئی ہے اور نہ ہی اسپین یا الجزائر میں ایسی کوئی کارروائی ریکارڈ ہوئی ہے۔
اس طرح فیکٹ چیکنگ رپورٹس نے اس کہانی کو مکمل طور پر جھوٹ قرار دے دیا ہے۔
سوشل میڈیا پر وائرل ہونے والی تصویر، جسے اس کیپشن کے ساتھ پھیلایا گیا تھا کہ تین مرد ’شون دی شیپ‘ کا بھیس بدل کر اسپین میں داخل ہونے کی کوشش کرتے پکڑے گئے، غلط طور پر بیان کی گئی۔
ایک ٹک ٹاک ویڈیو میں دعویٰ کیا گیا تھا کہ الجزائر میں تین نامعلوم افراد کو بھیڑوں کے لباس میں سرحد عبور کرنے پر گرفتار کیا گیا، اور اس میں معروف نظم “Baa Baa Black Sheep” کی دھن پر تبصرہ بھی شامل تھا۔
View this post on Instagram
لیکن Yahoo News اور Snopes کی فیکٹ چیکنگ کے مطابق یہ تصویر کسی سرحدی جرم کا ثبوت نہیں ہے۔
حقیقت میں یہ 2024 کی ایک ڈانس ویڈیو کا اسکرین شاٹ ہے، جو بچوں کے مشہور ٹی وی شو “Shaun the Sheep” سے متاثر ہو کر بنائی گئی تھی۔
مزید پڑھیں: مداحوں سے محبت کا اعتراف؛ ماہرہ اور فواد خان کے جذباتی لمحے کی ویڈیو وائرل
یہ ویڈیو ٹک ٹاک پر چند ماہ قبل اپ لوڈ کی گئی تھی، جس میں کئی افراد مزاحیہ انداز میں جرمن زبان میں شو کے تھیم سانگ پر رقص کر رہے ہیں۔
@aurelsdove THANK YOU FOR 295K OMG 🥹 some people told me to lock in for y/n too so here you go #michaelkaiser #bluelock #bllk ♬ original sound – Aureli
مزید یہ کہ مختلف صارفین نے اسی ڈانس ٹرینڈ کی اپنی ویڈیوز بنا کر پوسٹ کیں، جس سے ثابت ہوا کہ یہ پورا سلسلہ ایک ہلکے پھلکے وائرل ٹرینڈ کا حصہ تھا۔
فیکٹ چیکرز نے زور دیا کہ وائرل تصویر کو ایڈٹ کرکے اس پر جعلی کیپشن لگایا گیا تاکہ اسے مہاجرین سے متعلق ایک قابلِ یقین مگر جھوٹی کہانی میں بدلا جا سکے۔
In Algeria, 3 individuals of unknown nationality were arrested as they attempted to cross into Spain…disguised as sheep 😭😭 pic.twitter.com/OiI4lzI2H2
— Mr. JAIYE 📸 (@Jaiyejeje0m0) November 17, 2025
نہ الجزائر میں گرفتاری، نہ اسپین میں کوئی کیس
یوروپول کی حالیہ رپورٹس اور یورپی میڈیا آرکائیوز میں ایسا کوئی واقعہ درج نہیں کہ الجزائر یا اسپین میں کسی شخص کو جانور کا بھیس بدل کر سرحد عبور کرنے پر گرفتار کیا گیا ہو۔ یوروپول کا 2025 کا سب سے تازہ کیس اسپین تک کشتی کے ذریعے مہاجرین کی اسمگلنگ سے متعلق ہے، نہ کہ بھیس بدل کر داخلے سے۔
اصل واقعہ صرف بولیویا میں ہوا تھا
دلچسپ بات یہ ہے کہ 2023 میں بولیویا میں ایک حقیقی ”بھیڑ کے بھیس“ کا کیس ضرور ہوا تھا، جب ایک سزا یافتہ قاتل جوس لوئس دیاز نے جیل سے فرار ہونے کیلئے بھیڑ کا روپ دھار کر کھیت میں فرار ہونے کی کوشش کی تھی، لیکن فوراً پکڑا گیا تھا۔
مزید پڑھیں: تھائی لینڈ: آخری رسومات کی ادائیگی کے دوران خاتون زندہ ہوگئی، ویڈیو وائرل
تاہم اسپین کے بارے میں پھیلی وائرل کہانی مکمل طور پر غلط ہے اور سراسر عوام کے تخیل اور غلط بیانی پر مبنی ہے۔
وائرل سنسنی، حقائق اور سیاسی ماحول
یہ افواہ ایسی ہی سنسنی خیزی کی مثال ہے جو سوشل میڈیا پر تیزی سے وائرل ہوجاتی ہے، خاص طور پر اس وقت جب یو کے سمیت مختلف ممالک میں پناہ گزین پالیسیوں پر سخت بحث جاری ہے۔
