لندن ہائی کورٹ نے بریگیڈیئر (ر) راشد نصیر کے حق میں فیصلہ جاری کرتے ہوئے یوٹیوبر عادل راجہ کو جھوٹا قرار دے دیا۔

عدالت نے عادل راجہ کو جھوٹا ثابت کرتے ہوئے اپنے فیصلے میں کہا کہ ان کے الزامات کو مکمل طور پر جھوٹ اور بہتان قرار دیا اور ان کو £50,000 ہرجانہ اور بھاری قانونی اخراجات ادا کرنے کا بھی حکم دیا ہے جبکہ انہیں £260,000 بطور عبوری اخراجات فوری ادا کرنا ہونگے۔

فیصلے کے مطابق جون 2022 کے تمام الزامات بے بنیاد، بلاثبوت اور جھوٹ پر مبنی تھے، عادل راجہ 28 دن تک فیصلے کا خلاصہ تمام پلیٹ فارمز پر نمایاں جگہ پر لگانے کا پابند ہے۔

 عدالت نے جھوٹے دعوے دہرانے سے روکنے کے لیے سخت حکم امتناعی جاری کیا اور حکم نہ ماننے پر توہین عدالت، جرمانہ اور جیل ہو گی۔

فصلے میں بتایا گیا کہ پنجاب الیکشن، مبینہ ملاقاتوں اور”ریجیم چینج“ سے متعلق تمام بیانیے جھوٹ تھے، عادل راجہ کے الزامات کا مقصد شخصیت کشی تھا، حقیقت سے کوئی تعلق نہیں تھا۔

مزید پڑھیں: بھگوڑے عادل راجہ کو برطانوی عدالت سے جرمانے کی سزا کے بعد ایک اور جھٹکا

 عدالت نے متعدد حساس نوعیت کے الزامات کو کلی طور پر ممنوع اور عادل راجہ کے بیانیے کو بدنیتی پر مبنی اور جھوٹ کا مجموعہ قرار دے دیا۔

ہائی کورٹ نے فیصلے میں واضح کیا کہ عادل راجہ کے الزامات نے ناقابل تلافی نقصان پہنچانے کی کوشش کی تھی جو غلط ثابت ہوئے، انکو تمام ادائیگیاں 22 دسمبر 2025 تک کرنا لازمی ہونگی اور فیصلے کا لنک ہر پلیٹ فارم پر واضح اور نمایاں رہے گا۔