آسٹریلیا کے شہر سڈنی کے مشہور ساحل بونڈی بیچ پر پیش آنے والے فائرنگ کے واقعے میں حملہ آور کو قابو کرنے والے ایک شہر احمد ال احمد کی غیر معمولی بہادری نے کئی لوگوں کی جانیں بچا لیں۔
آسٹریلوی میڈیا کے مطابق دو مسلح افراد نے ساحل پر یہودیوں کے مذہبی تہوار حنوکا میں موجود شہریوں پر فائرنگ کی، جس کے نتیجے میں 12 افراد ہلاک اور تقریباً 30 زخمی ہوئے۔
پولیس نے اس واقعے کو دہشت گردانہ حملہ قرار دیتے ہوئے بتایا کہ ہلاک شدگان میں ایک حملہ آور بھی شامل ہے، جبکہ دوسرا گرفتار کر لیا گیا ہے۔
The civilian who tackled and disarmed one of the gunmen during the mass shooting at a Hanukkah celebration on Sydney’s Bondi Beach has been identified as 43-year-old Ahmed al Ahmed, a local fruit shop owner and father of two. Witnesses and video footage show Ahmed advancing on… pic.twitter.com/dPjoNARZtG
— ILTV Israel News (@ILTVNews) December 14, 2025
واقعے کے دوران ایک شہری نے اپنی جان کو خطرے میں ڈال کر ایک حملہ آور پر قابو پایا اور اس کا اسلحہ چھین کر کئی افراد کو بچایا۔
میڈیا رپورٹس کے مطابق یہ بہادر شہری 43 سالہ احمد ال احمد ہیں، جو سڈنی میں پھلوں کی دکان چلاتے ہیں اور دو بچوں کے والد ہیں۔
حملہ آور پر قابو پانے کی کوشش کے دوران احمد کے بازو میں دو گولیاں بھی لگیں، تاہم اسپتال کے ذرائع کے مطابق ان کی حالت خطرے سے باہر ہے۔
سوشل میڈیا پر اس واقعے کی ویڈیوز تیزی سے وائرل ہو رہی ہیں، جس میں احمد کو حملہ آور کو قابو میں لیتے دیکھا جا سکتا ہے۔
صارفین نے ان کی شجاعت کی بھرپور ستائش کی ہے اور آسٹریلوی میڈیا میں انہیں ہیرو قرار دیا جا رہا ہے۔
