واشنگٹن: امریکی صدر ڈونلڈ ٹرمپ نے کہا ہے کہ امید ہے ایران کے خلاف فوجی کارروائی کی ضرورت نہ پڑے۔

صدر ڈونلڈ ٹرمپ نے وائٹ ہاؤس میں میڈیا سے گفتگو کرتے ہوئے کہا کہ ایران کے ساتھ مزید بات چیت کا ارادہ ہے، ایران کی جانب امریکی بحری بیڑاروانہ کیا لیکن استعمال نہ کرنا بہتر ہوگا، پہلے بھی ایران سے بات چیت ہوچکی ہے اور آئندہ بھی ہوگی۔

انہوں نے کہا کہ میرے خیال سے کیوبا کی حکومت قائم نہیں رہ سکے گی، برطانیہ کیلئے چین کے ساتھ کاروبار کرنا بہت خطرناک ہے، چین کے ساتھ تجارتی تعاون برطانیہ کیلئے سنگین خطرہ بن سکتا ہے۔

ٹرمپ کا کہنا تھا کہ کینیڈا کیلئے چین کے ساتھ کاروبارکرنااس سے بھی زیادہ خطرناک ہے، چین کے ساتھ بڑھتے تجارتی تعلقات پر اتحادیوں کو محتاط رہنا ہوگا۔

امریکی صدر نے مزید کہا کہ ادویات اور الکوحل سے سالانہ 3لاکھ افراد ہلاک ہوتے ہیں، منشیات کارٹلز کو غیرملکی دہشت گرد تنظیم قراردیا ہے۔