ایران کے نئے سپریم لیڈر کے انتخاب کے بعد ایران کی جانب سے اسرائیل کے شمالی علاقوں پر میزائل حملے کیے گئے ہیں۔
اس کے علاوہ ایران کی جانب سے بحرین کو بھی نشانہ بنایا گیا ہے، جہاں ایران کی جانب سے بحرین کی آئل ریفائنری پر ڈرون حملہ کیا گیا ہے۔
قبل ازیں، امریکا اور اسرائیل کی جانب سے ایران میں آئل ڈپو کو نشانہ بنایا گیا ہے، جس کے بعد تہران کی سڑکوں اور سیوریج لائن میں بہنے والے تیل میں آگ بھڑک اٹھی۔
مزید پڑھیں: شہید علی خامنہ ای کے بیٹے مجتبیٰ خامنہ ای ایران کے نئے سپریم لیڈر مقرر
واضح رہے کہ امریکا اور اسرائیل نے دو دن قبل تہران میں آئل ڈپو پر حملے کیے تھے جس سے تیل کے ذخائر میں آگ بھڑک اٹھی، تیل بہنے سے سڑکوں پر بھی آگ پھیلتی نظر آئی۔
ایرانی دارالحکومت تہران میں اسرائیلی فضائی حملوں کے بعد تباہ ہونے والے تیل کے ڈپو سے بہنے والا تیل شہر کے سیوریج نظام میں داخل ہوگیا، جس کے نتیجے میں سڑکوں کے کناروں پر آگ بھڑک اٹھی اور اسے مقامی طور پر ’آگ کی ندی‘ قرار دیا جا رہا ہے۔
Fires ignited by flowing petroleum spread across Tehran’s streets after Israeli air strikes targeted oil infrastructure in Iran. The strikes hit the Shahran oil depot, causing large amounts of oil to leak from the facility and spill into nearby streets and drainage systems pic.twitter.com/tjrqeQz74i
— TRT World (@trtworld) March 9, 2026
سوشل میڈیا پلیٹ فارم ایکس پر ایک ویڈیو شیئر کی گئی، جس میں شہر کی ایک سڑک کے کنارے آگ کے شعلے مسلسل بھڑکتے ہوئے دکھائی دے رہے ہیں۔
حکام کے مطابق تیل کے بہاؤ کے سیوریج لائنوں میں داخل ہونے سے بعض علاقوں میں آگ پھیل گئی، جس سے شہری انفرااسٹرکچر اور ماحولیات کو مزید خطرات لاحق ہو گئے ہیں۔
