سابق وزیراعلیٰ دہلی اروند کیجریوال نے بھارتی وزیر اعظم نریندر مودی پر کڑی تنقید کرتے ہوئے کہا ہے کہ وہ امریکی صدر ڈونلڈ ٹرمپ کے سامنے بے بس اور تابع دار نظر آتے ہیں۔
کیجریوال کے مطابق مودی اندرونِ ملک زور و شور سے بات کرتے ہیں مگر ٹرمپ کے سامنے خاموش اور فرمانبردار بن جاتے ہیں۔
انہوں نے مزید کہا کہ عالمی دباؤ کے سامنے مودی کی کمزور پوزیشن نے ان کی قیادت کی سچائی آشکار کر دی ہے اور اگر وزیر اعظم بلیک میل ہو رہے ہیں تو ان کی اخلاقی حیثیت متاثر ہو چکی ہے۔
بھارتی میڈیا، بشمول انڈین ایکسپریس اور ٹائمز آف انڈیا نے بھی رپورٹ کیا ہے کہ ٹرمپ کے سامنے مودی کی کمزور پوزیشن نے عالمی سطح پر بھارتی قیادت کی حقیقت واضح کر دی ہے۔
کانگریس رہنما راہول گاندھی اور جے رام رمیش نے بھی تسلیم کیا کہ مودی بیرونی دباؤ کے سامنے جھک جاتے ہیں، جبکہ سو دی شی جاگرن منچ نے اسے بھارت کے قومی مفادات کے لیے غداری قرار دیا۔
مزید برآں بھارتی پنجاب اسمبلی نے امریکی تجارتی معاہدے کے خلاف مذمتی قرارداد منظور کی، جس میں کہا گیا کہ یہ معاہدہ بھارتی کسانوں کے لیے تباہ کن ہے، جس سے بھارتی حکومت کی غیر خودمختار پالیسیوں پر سوالات اٹھ گئے ہیں۔
