حکومت نے رواں مالی سال جولائی سے نومبر 858 ارب روپے قرض لیا۔
اقتصادی امور ڈویژن رپورٹ کے مطابق گزشتہ ماہ نومبر کے دوران 144 ارب روپے کا قرض لیا، جبکہ گزشتہ مالی سال اسی عرصے کے دوران 741 ارب روپے قرض لیا گیا تھا۔
گزشتہ مالی سال کی نسبت رواں مالی سال جولائی سے نومبر 117 ارب زائد قرض لیا، گزشتہ ماہ نومبر کے دوران اکتوبر 2025 کی نسبت 4 کروڑ ڈالر اضافی قرض حاصل کیا۔
یہ بھی پڑھیں: وفاقی حکومت کے حاصل کردہ قرضوں میں نمایاں اضافہ، 20 ماہ کی تفصیلات جاری
رپورٹ میں بتایا گیا کہ نومبر میں 31 کروڑ 45 لاکھ ڈالر باہمی معاہدوں اور کثیرالجہتی معاہدوں کے تحت حاصل کیے، نومبر کے دوران 19 کروڑ 69 لاکھ ڈالر کے نیا پاکستان سرٹیفیکیٹس جاری کیے گئے۔
جولائی میں 198 ارب روپے، اگست میں 192 ارب روپے قرض حاصل کیا گیا، اسی طرح ستمبر میں 124 ارب روپے اور اکتوبر میں 133 ارب روپے قرض حاصل کیا گیا تھا۔
