وزیراعظم عمران خان نے کہا ہے کہ مافیا کے خلاف کاروائی کو منطقی انجام تک پہنچایا جائے گا۔
تفصیلات کے مطابق وزیرِ اعظم عمران خان سے ممبران صوبائی اسمبلی پنجاب کی ملاقات ہوئی جس میں وفد نے وزیرِ اعظم کو اپنے اپنے حلقوں میں کورونا کی صورتحال سے آگاہ کیا جبکہ متاثرین و مستحقین کو ریلیف کی فراہمی کے حوالے سے صورتحال سے آگاہ کیا ۔
اس موقع پر وفد نے گفتگو کرتے ہوئے کہا کہ حکومت کے تہہ دل سے مشکور ہیں، احساس ایمرجنسی کیش پروگرام اور پرائم منسٹر ریلیف فنڈ سے مشکلات کا شکار افراد کو خاطر خواہ مدد ملی ہے۔
وفد نے زندگی اور روزگار کے درمیان توازن رکھنے کی وزیر اعظم کی پالیسی کو سراہا جبکہ شرکاء نے جنوبی پنجاب کے وعدے کی تکمیل کی جانب عملی اقدام اٹھانے پر وزیرِ اعظم کا شکریہ ادا کیا۔
وفد نے ملاقات میں گفتگو کرتے ہوئے مزید کہا کہ ماضی میں جنوبی پنجاب کی عوام کی خواہشات بلکہ ترقیاتی ضرورتوں کے حوالے سے بھی جنوبی پنجاب کو فراموش کیا جاتا رہا ، جنوبی پنجاب کے مسائل کے مستقل حل کے حوالے سے عملی اقدامات اٹھانے پر علاقے کی عوام موجودہ حکومت کی شکر گزار ہے۔
حکومت جدید ٹیکنالوجی کے تمام منصوبوں میں تعاون کرے گی، وزیر اعظم
اس موقع پر شرکاء نے چینی مافیا کے خلاف بھرپور ایکشن پر بھی وزیرِ اعظم کی کاوشوں کو سراہاتے ہوئے کہا کہ حکومت کی جانب سے چینی مافیا کے خلاف ایکشن سے کسانوں اور عوام الناس کے استحصال کو ختم کرنے میں مدد ملے گی۔
ممبران صوبائی اسمبلی پنجاب سے ملاقات میں وزیراعظم نے کہا کہ کورونا سے متاثرہ افراد کو ریلیف کی فراہمی میں متحرک کردار ادا کیا جائے۔
عمران خان نے یہ بھی کہا کہ موجودہ حکومت اصلاحات کے ایجنڈے پر سختی سے کار بند ہے، مافیا کے خلاف کاروائی کو منطقی انجام تک پہنچایا جائے گا۔
وفد میں مشیران حنیف خان پتافی، عبدالحئی، فیصل حیات جبونا ، سید رفاقت علی گیلانی، خرم سہیل خان اور جاوید اختر انصاری بھی شامل تھے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News