بینکنگ محتسب کو رواں سال کے پہلے 6 ماہ میں بینکوں کے خلاف 11 ہزار سے زائد شکایات موصول ہوئی ہیں۔
تفصیلات کے مطابق بینکنگ محتسب نے بینکوں کی کارکردگی کے حوالے سے رواں سال کے پہلے 6 ماہ کی رپورٹ جاری کردی۔
رپورٹ میں کہا گیا کہ رواں سال میں کورونا کے باوجود شکایات میں اضافہ ہوا ہے۔ گذشتہ تین سالوں میں شکایات میں 62 فیصد کا اضافہ ہوا ہے۔ وزیر اعظم پورٹل پر موصول ہونے والی شکایات بھی اس میں شامل ہیں۔
رپورٹ میں مزید کہا گیا کہ ملک کی بڑی آبادی ڈیجیٹل بینکنگ، انٹرنیٹ اور موبائل بینکنگ سے آشنا نہیں ہے۔دیہی علاقوں میں کم تعلیمی رجحان کی وجہ سے عوام میں شعور نہیں ہے۔ نوسربازوں کا سب سے بڑا ہدف دیہی علاقوں کے مکین ہوتے ہیں۔
رپورٹ میں کہا گیا کہ بینکوں کی جانب سے صارفین کو آگاہی دینے کے باوجود شکایات میں اضافہ ہوا ہے۔ جنوری 2020 تک نہ حل ہونے والی شکایات کی تعداد 2778 رہی۔بینکوں کے خلاف کل شکایات کی تعداد 13 ہزار 952 ہوگئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
