پی سی بی چیلنجرزنے نیشنل ٹرائنگولر ٹی ٹوئنٹی ویمنز کرکٹ چیمپئن شپ کا فائنل جیت لیا۔

تفصیلات کے مطابق  ‏ پنڈی کرکٹ اسٹیڈیم راولپنڈی میں کھیلی جانے والی نیشنل  ٹرائنگولر ویمنز کرکٹ  چیمپئن شپ پی سی بی چیلنجرز نے جیت لی ۔

پی سی بی چیلنجرز نے فائنل میں پی سی بی ڈائنا مائٹس کو 7 رنز سے شکست دی ۔

پی سی بی ڈائنا مائٹس نے   ٹاس  جیت کر  پی سی بی چیلنجرز  کو  پہلے کھیلنے کی دعوت دی ۔

پی سی بی چیلنجرز نے مقررہ 20 اوورز میں 7 وکٹوں کے نقصان پر 133 رنز بنائے ۔ صدف شمس  اور منیبہ علی نے پہلی وکٹ کی شراکت میں 15 رنز جوڑے ۔ کپتان منیبہ علی 9 رنز بنا کر  آؤٹ ہوئیں ۔ صدف شمس نے 18 رنز بنائے ۔

PCB Challengers win National Triangular T20 Women's Cricket Championship

More: https://t.co/MlMP4uom6n#BackOurGirls | #HarHaalMainCricket pic.twitter.com/0Na58JQTet

— PCB Media (@TheRealPCBMedia) December 1, 2020

کائنات حفیظ نے 27 گیندوں پر 31 رنز تین چوکوں اور ایک چھکے کی مدد سے بنائے ۔ بسمہ معروف 12 گیندوں پر 18 رنز بنا کر آؤٹ ہوئیں ۔ وحیدہ  اختر 11 اور فاطمہ ثناء 24 رنز بنا کر  ناٹ آؤٹ رہیں ۔

‏ پی سی بی ڈائنا مائٹس  کی جانب سے سبحا نہ طارق نے چار اوورز  میں 37 رنز دے کر تین کھلاڑیوں کو پویلین بھیجا ۔ نشرہ سندھو اور رامین شمیم نے ایک  ایک وکٹ حاصل کی ۔

‏ہدف کے تعاقب میں پی سی بی ڈائنا مائٹس مقرر 20 اوورز میں 6 وکٹوں کے نقصان پر 126 رنز بنا سکی ۔

ناہیدہ خان  نے 39، عائشہ ظفر نے  ایک ، حفصہ خالد نے 20 ، عمیمہ سہیل نے 12 اور ارم جاوید نے 15 رنز بنائے ۔ کائنات امتیاز 29 گیندوں پر دو چوکوں کی مدد سے 32 رنز بنا کر ناٹ آؤٹ رہیں ۔

پی سی بی چیلنجرز کی جانب سے سیدہ عروب شاہ نے دو جبکہ ایمن انور ، فاطمہ ثناء ، اور ندا ڈارنے ایک ایک وکٹ حاصل کی۔

کائنات حفیظ پلیئر آف دی میچ قرار پائیں۔

Advertisement

Player-of-the-match: Kainat Hafeez
Player-of-the-tournament: Kainat Imtiaz#DYNAMITESvCHALLENGERS
Scorecard: https://t.co/a11pjUqVvw#BackOurGirls | #HarHaalMainCricket pic.twitter.com/SvCFaVuMtr

— Pakistan Cricket (@TheRealPCB) December 1, 2020

کائنات امتیاز کو آل راونڈ پرفارمنس پر پلئیر آف دی ٹورنامنٹ قرار دیا گیا ۔انہوں نےٹورنامنٹ میں 111 رنز بنائے اور تین وکٹیں حاصل کیں۔