کشمیر انتخابات میں ناکامی کے بعد وزیراطلاعات نے دھاندلی کا رونا پیٹ دیا ہے، جمال صدیقی

مریم اقبال

26th Jul, 2021. 04:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کشمیر انتخابات میں ناکامی کے بعد وزیراطلاعات نے دھاندلی کا رونا پیٹ دیا ہے، جمال صدیقی

ترجمان پی ٹی آئی کراچی جمال صدیقی نے کہا کہ کشمیر انتخابات میں ناکامی کے بعد وزیراطلاعات نے حسب عادت دھاندلی کا رونا پیٹ دیا ہے۔

تفصیلات کے مطابق ترجمان پی ٹی آئی کراچی جمال صدیقی نے صوبائی وزیر اطلاعات سندھ ناصر شاہ کے بیان پر ردعمل دیتے ہوئے کہا کہ کشمیر الیکشن میں پی ٹی آئی کی کامیابی پر سوگوار پی پی کے غم کا اندازہ لگا سکتے ہیں۔

انہوں نے کہا کہ اپوزیشن کو دھاندلی کا خدشہ تھا تو انتخابی اصلاحات کی کبھی مخالفت نہ کرتے ، کشمیر میں پی ٹی آئی کی کامیابی غیر جمہوری جماعتوں کو ہضم نہیں ہورہی ، کشمیر میں پی پی کوشکست کی اصل وجہ اُن کی سندھ میں ناقص کارکردگی ہے ، کشمیر ی واقف ہیں کہ پی پی نے 14 سال اقتدار میں رہ کر سندھ کیلئے کچھ نہیں کیا۔

ترجمان پی ٹی آئی کراچی جمال صدیقی نے کہا کہ کشمیر کی عوام کو پی پی سے پہاڑوں پر چائنہ کٹنگ کا خطرہ تھا ، کشمیری عوام جانتی ہے کشمیر کاز پر عمران خان کے سوا کوئی بات نہیں کرسکتا ، دونوں جماعتیں اقتدار میں رہنے کے باوجود بھی کشمیر کے مسئلے پر خاموش رہیں ، عمران خان کشمیریوں کے حقیقی سفیر ہیں۔