وزیراعظم عمران خان برادر ہمسایہ ملک ایران پہنچے جہاں‌انہوں‌ نے ایرانی صدر حسن روحانی سے ملاقات کی۔

تفصیلات کے مطابق عمران خان نے ایرانی صدر حسن روحانی سے ملاقات کی، ملاقات کے دوران باہمی دلچسپی کے امور اور خطے کے سکیورٹی کے معاملات پر تبادلہ خیال کیا گیا،وزیرخارجہ شاہ محمود قریشی، معاون خصوصی زلفی بخاری اور ڈی جی آئی ایس آئی بھی اس موقع پر وزیراعظم عمران خان کے ہمراہ تھے.

واضح رہے کہ وزیراعظم عمران خانایک رو زہ دورے پر آج تہران پہنچے تو ایرانی وزیرخارجہ جواد ظریف نے ائیرپورٹ پر ان کا استقبال کیا۔

 ائیر پورٹ سے وزیراعظم عمران خان اور ان کے وفد کو صدارتی محل لے جایا گیا جہاں انہوں نے ایرانی صدر سے ملاقات کی۔

 وزیراعظم نے اس ملا قات کے دوران کہا کہ پاکستان برادر ملک ایران کے ساتھ تعلقات کو بہت اہمیت دیتا ہے، پاکستان خطے میں قیام امن کیلئے اپنا کردار ادا کرنے کا خواہاں ہے۔

 اس ملاقات میں دونوں رہنماوں کے مابین باہمی تعلقات بڑھانے اور تجارت سمیت دیگر امور زیر غور آئے۔

اس کے علاوہ سعودی عرب کے ساتھ کشیدگی ختم کرانے پر بھی بات چیت ہوئی، عمران خان نے کشمیر میں بھارتی مظالم سے بھی ایرانی قیادت کو آگاہ کیا۔

ذرائع کے مظابق  وزیراعظم عمران خان دورے کے دوران ایرانی سپریم لیڈر آیت اللہ خامنہ ای سے بھی ملاقات کریں گے جس میں دونوں ملکوں کے مابین برادرانہ تعلقات  سمیت دیگر موضوعات زیر غور آئیں گے۔

  یا د رہے کہ وزیر اعظم عمران خان کا یہ دوسرا دورہ ایران ہے، اس سے قبل وزیراعظم رواں سال اپریل میں بھی ہمسائے ملک کا دورہ کر چکے ہیں۔

ذرائع کے مطابق ایران کے دورے کے بعد وزیراعظم عمران خان منگل کو سعودی عرب کا دورہ بھی کریں گے۔