واقعہ کربلا ہمیں ظالم اور جابر کے خلاف مذمت کا درس دیتا ہے ، عبد القیوم نیازی

مریم اقبال

19th Aug, 2021. 06:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واقعہ کربلا ہمیں ظالم اور جابر کے خلاف مذمت کا درس دیتا ہے ، عبد القیوم نیازی

وزیراعظم آزاد جموں وکشمیر سردار عبد القیوم نیازی نے کہا کہ واقعہ کربلا ہمیں ظالم اور جابر کے خلاف مذمت کا درس دیتا ہے۔

تفصیلات کے مطابق وزیراعظم آزاد جموں وکشمیر سردار عبد القیوم نیازی نے مقبوضہ کشمیر میں عزاداروں پر بھارتی فورسز کے تشدد اور جلوس پر پابندی کی شدید مذمت کرتے ہوئے کہا کہ مودی سرکار کی جانب سے مقبوضہ کشمیر میں مذہبی تہوار منانے کی اجازت نہ دینے کی مذمت کرتا ہوں۔

انہوں نے کہا کہ مقبوضہ کشمیر میں عزاداروں پر بھارتی تشدد اور ظلم بھارت کی انتہا پسند سوچ کی عکاسی کرتا ہے ، مقبوضہ کشمیر میں دہشتگرد بھارتی فوج مذہبی رسومات کی ادائیگی میں بھی رکاوٹیں ڈال رہی ہے ، نہتے کشمیری گزشتہ سات دہائیوں سے بھارتی جبر اور ظلم کے خلاف کھڑے ہیں۔

وزیراعظم آزاد جموں وکشمیر سردار عبد القیوم نیازی نے کہا کہ مقبوضہ کشمیر کی آزادی کا سورج طلوع ہو کر رہے گا ، مقبوضہ کشمیر کے مسلمان بھی دنیا بھر کے مسلمانوں کی طرح اپنے مذہبی تہوار منانے کے لیے آزاد ہوں گے۔