افغانستان میں صورت حال کشیدہ ہوئی تو پاکستان سب سے زیادہ متاثر ہو گا، وزیر خارجہ
شاہ محمود قریشی نے کہا کہ روس اور یوکرین کے درمیان مذاکرات کا آغاز ہوگیا ہے، وہ امید کرتے ہیں کہ اس بات چیت کا نتیجہ بھی اچھا ہی نکلے گا۔
وزیر خارجہ شاہ محمود قریشی کا کہنا ہے کہ عالمی برادری کو نازک موڑ پر افغانستان کو تنہا نہیں چھوڑنا چاہیے۔
تفصیلات کے مطابق نیویارک پہنچنے پر میڈیا سے گفتگو کرتے ہوئے وزیر خارجہ شاہ محمود قریشی کا کہنا تھا کہ افغانستان سے انخلا کے لیے عالمی برادری کو افغانستان سے لا تعلق نہیں ہونا چاہیے۔ مقبوضہ کمشیر میں انسانی حقوق کی خلاف ورزیاں بھی دنیا کے سامنے رکھیں گے۔
نیو یارک میں وزیر خارجہ شاہ محمود قریشی نے یو این پریس نمائندگان کے وفد سے ملاقات میں کہا ہے کہ افغانوں نے 4 دہائیوں میں جنگ کا سامنا کیا۔اب افغانستان میں قیام امن کی امید پیدا ہوئی ہے۔
ان کا کہنا تھاکہ پر امن افغانستان خطے کے لیے فائدہ مند ثابت ہو گا۔ ہماری معیشت مزید مہاجرین کا بوجھ اٹھانے کی متحمل نہیں ہو سکتی۔ افغانستان میں صورت حال کشیدہ ہوئی تو پاکستان سب سے زیادہ متاثر ہو گا۔
وزیر خارجہ نے کہاکہ پاکستان افغانستان میں اجتماعیت کی حامل جامع حکومت کے قیام کا خواہاں ہے۔ افغانستان میں امن و استحکام چاہتے ہیں۔
Advertisement
شاہ محمود قریشی نے کہاکہ طالبان رہنماؤں کے ابتدائی بیانات حوصلہ افزا ہیں۔ وعدوں کی پاسداری طالبان کے بہتر مفاد میں ہے۔ افغانستان کے منجمد اثاثوں کو افغانوں کے لیے کھولنا بہتر ہو گا۔
انہوں نے کہاکہ افغانستان میں تبدیلی کے دوران بہت سے مثبت پہلو بھی سامنے آئے۔ پاکستان نے افغانستان سے مختلف ممالک کے شہریوں اور سفارتی عملے کے انخلا میں معاونت کی۔
واضح رہے کہ اقوام متحدہ کی جنرل اسمبلی کا 76 واں سربراہی اجلاس آج سے شروع ہو گا۔ امریکی صدر جوبائیڈن آج جنرل اسمبلی اجلاس سے خطاب کریں گے۔
ذرائع کے مطابق وزیر اعظم عمران خان 24 ستمبر کو جنرل اسمبلی کے اجلاس سے ورچوئل خطاب کریں گے۔
Good to be in New York for #UNGA76 where PM @ImranKhanPTI will deliver Pakistan’s policy address virtually. Pleased to be participating in various high-level meetings and side events, along with holding a diversity of bilateral meetings with my counterparts and UN leadership.
وزیر خارجہ مخدوم شاہ محمود قریشی پانچ روزہ دورے پر نیویارک میں موجود ہیں۔
وزیر خارجہ نیویارک میں قیام کے دوران، اقوام متحدہ جنرل اسمبلی کے 76 ویں اجلاس میں شرکت کیلئے تشریف لائے ہوئے مختلف ممالک کے وزرائے خارجہ سے بھی دو طرفہ ملاقاتیں کریں گے۔
FM @SMQureshiPTI is undertaking visit of New York. During the visit he will hold several bilateral meetings with his counterparts & with UN leadership, interact with media and with Pakistani-Americans. He will also deliver a talk at the Council on Foreign Relations.#UNGA#UNGA76pic.twitter.com/WagOl0RR1t
وزیر خارجہ شاہ محمود قریشی اقوام متحدہ کی قیادت سے ملاقات کریں گے۔ کونسل آن فارن ریلیشنز کی تقریب سے خطاب بھی کریں گے اور دورے کے دوران افغانستان سمیت اہم امور اٹھائے جائیں گے۔
