سرگودھا میں پنجاب فوڈ اتھارٹی کی جانب سے سیوریج کے گندے پانی سے سبزیاں اگانے والوں کے خلاف کارروائیاں کی گئی ہیں۔
تفصیلات کے مطابق کارروائیوں کے نتیجے میں 16 کنال پر اگائی گئی سبزیاں تلف کر دی گئی ہیں۔
اسکے علاوہ تحصیل سلانوالی میں 40 کنال اراضی پر کاشت کی گئی کدو کی فصل کو بھی ہل چلا کر تلف کر دیا گیا ہے اور دیگر کارروائیوں کے دوران ڈیری شاپس، کریانہ اسٹورز اور سویٹس شاپس کا معائنہ کیا گیا ہے۔
ڈی جی فوڈ اتھارٹی کا کہنا ہے کہ قواعد و ضوابط کی خلاف ورزیوں پر 12 فوڈ پوائنٹس کو بھاری جرمانے عائد کیے گئے ہیں، معیاری خوراک کی یقینی فراہمی کے لیے ہر سطح پر کڑی نگرانی کی جا رہی ہے۔
