وفاقی وزیر داخلہ شیخ رشید کا کہنا ہےکہ عمران خان کی قیادت میں مہنگائی کےجن کوبوتل میں بندکرینگے۔

تفصیلات کے مطابق اسلام آباد میں وفاقی وزیرداخلہ شیخ رشید احمد نے میڈیا سے بات کرتے ہوئے کہاکہ میں بات کولپیٹنااورسمیٹناچاہتاہوں، پی ڈی ایم والے ٹی وی، ٹی وی کھیل رہےہیں،پی ڈی ایم کوعوام کاکوئی رسپانس نہیں مل رہا، مہنگائی سےمتاثرعوام کوان کےجلسےمیں نہیں دیکھتا ، ان کےجلسوں میں ان کی پارٹی کےامیدوارنظرآئےہیں، پی ڈی ایم شوق سےاحتجاج کرے،کوئی رکاوٹ نہیں۔

 شیخ رشید نے کہاکہ عمران خان کی قیادت میں مہنگائی کےجن کوبوتل میں بند کرینگے، کالعدم تنظیم ٹی ایل پی پنجاب کی تیسری بڑی جماعت ہے،چاہتاہوں مذاکرات میں جو وعدے ہوئے وہ پورے ہوں، خواہش ہے کالعدم ٹی ایل پی سے معاملات طے ہوجائیں، ہم نے جو وعدے کیےاس پر پہرہ دیں گے۔

شیخ رشید نے کہاکہ کالعدم ٹی ایل پی سے مذاکرات اچھےرہے، سعدرضوی کےاصرارپرکمیٹی کی سربراہی کررہاہوں۔

وزیرداخلہ نے کہاکہ نیوزی لینڈ نےہمارے ساتھ ہاتھ کیا،اتنی سیکیورٹی دی جتنی ان کی فوج نہیں،  پاک بھارت میچ دیکھنےجب بھی اسٹیڈیم گیا پاکستان جیتا ہے، پرسوں ہی خوشخبری دےدی تھی پاکستان جیتے گا۔

انہوں نے کہاکہ پاکستان نےبھارت کولوہےکےچنےچبوائے،74 سال میں پاکستان کواس سے بڑی فتح نصیب نہیں ہوئی، بھارت کو10 وکٹ سےشکست کاجشن تاریخی تھا، میرا ورلڈکپ کل ختم ہوگیا، آگے کے میچزمیں اب دلچسپی نہیں،میرے بس میں ہوتا تومیچ جیتنےکی خوشی میں پوری قوم کوچھٹی دیتا، پاکستان نے کل ورلڈکپ جیت لیا۔

وزیرداخلہ شیخ رشید نے مزید کہاکہ کل کامیچ کرکٹ نہیں “کرکٹ پلس تھا، بھارتی مداحوں نے کرکٹرزکے گھروں پرپتھراؤکیا۔