لاہور: قومی ٹیم کے وکٹ کیپر و بیٹر محمد رضوان کا کہنا تھا کہ جو ہوگيا وہ گزر گيا يہ نيا سال ہے اس ميں نئے ہدف ہیں۔

پی ایس ایل 7  میں ملتان سلطانز کے کپتان اور قومی ٹیم کے وکٹ کیپر و بیٹر محمد رضوان کا لاہور میں ورچوئل ويڈيو کانفرنس کرتے ہوئے کہنا تھا کہ ہر سيريز کے پلان بناتے ہيں، جب ٹيم ميں نہيں ہوتے تب بھي پلان بناتے ہيں۔

محمد رضوان کا کہنا تھا کہ جو ہوگيا وہ گزر گيا يہ نيا سال ہے اور اس ميں نئے ہدف ہيں۔ دنيا ميں ايوارڈ ملنے پرزيادہ خوشي ہے کیونکہ اس ميں پاکستان کا نام شامل ہے۔

ملتان سلطانز کے کپتان کا کہنا تھا کہ ہرکپتان ٹيم کامبی نيشن ديکھ کر ٹيم بناتا ہے، ماضی ميں موقع نہيں ملتا تھا پر اب اللہ نےموقع ديا ہے۔

انہوں نے کہا کہ دفاع کرنا دفاعی سوچ ہے، يہ ايونٹ نيا ہے، اس لیے پراني بات نہيں سوچتا۔ ٹيم کومتحد کرنا اصل کام ہے کیونکہ اس کے بعد آسان ہوجاتا ہے۔

ان کا کہنا تھا کہ پي ايس ايل کا باؤلنگ معيار بہت اچھا ہے اور ہمارے ملک کے ايمرجنگ باؤلر بھي بہت اچھے ہيں۔ ورلڈ کپ ميں وکٹيں سلوتھی جس کی وجہ سے پاور پلے ميں کم رنز بن رہے تھے۔

رضوان کا کہنا تھا کہ پچ کی کنڈيشن ديکھ کربيٹنگ کرتے ہيں، بابر کی کمزورياں مجھے معلوم ہےاور اسے بھی ميرا ويک پوائنٹ پتا ہے۔

ویڈیو کانفرنس کرتے ہوئے ان کا کہنا تھا کہ پلان ہم بناتے ہيں ليکن اس ميں باؤلرز اور فيلڈرز کا ساتھ دينا بہت ضروری ہے۔

انہوں نے کہا کہ گھروالوں کوبہت سی چيزوں کاعلم نہيں ہے، صبراور ہمت کا صلہ اللہ نےکاميابی کي صورت ميں ديا۔ ميں نےبرے وقت ميں کبھی کسي کے ليے بر انہيں سوچا۔

واضح رہے کہ انٹرنیشنل کرکٹ کونسل (آئی سی سی) نے محمد رضوان کو ٹی ٹوئنٹی انٹرنیشنل کرکٹر آف دی ایئر قرار دیا ہے جبکہ انہیں گذشتہ سال 1326 رنز بناکر یہ اعزاز دیا گیا ہے۔