آئی سی سی نے پاکستان ٹیم کے فاسٹ باؤلر شاہین شاہ آفریدی کو سرگار فیلڈ سوبرز ٹرافی دینے کا اعلان کیا ہے۔

پاکستان کی کرکٹ کی تاریخ میں پہلی بار سر گار فیلڈ سوبرز ٹرافی پاکستان کے فاسٹ باؤلر شاہین شاہ آفریدی نے جیت لی ہے جبکہ اس کا اعلان آئی سی سی نے کیا ہے۔

https://twitter.com/ICC/status/1485545591820148742

شاہین شاہ آفریدی کو یہ ایوارڈ گذشہ سال 36 انٹرنیشنل میچز میں 22.20 کی اوسط سے 78 وکٹیں حاصل کرنے پر دیا گیا ہے جبکہ ان کی بہترین باؤلنگ 51 رنز دے کر 6 وکٹیں رہیں۔

شاہین شاہ نے 9 ٹیسٹ میچز میں 17.06 کی اوسط سے 47 وکٹیں حاصل کیں جبکہ ٹی ٹوئنٹی ورلڈ کپ میں 7 وکٹیں اپنے نام کیں اور ساتھ ہی  مجموعی طور پر 21 میچز میں 23 وکٹیں حاصل کی ہیں۔

واضح رہے کہ اس کیٹیگری میں شاہین شاہ آفریدی کے ساتھ جوروٹ، کین ولیمسن اور پاکستان کے محمد رضوان جو نامزد کیا گیا تھا۔

علاوہ ازیں آئی سی سی نے قومی ٹیم کے کپتان بابر اعظم کو آئی سی سی ون ڈے کرکٹر آف دی ایئر اور محمد رضوان کو آئی سی سی ٹی ٹوئنٹی کرکٹر آف دی ایئر قرار دیا ہے۔

آئی سی سی ایوارڈز میں پاکستان کے مردوں کے ساتھ خواتین کرکٹرز بھی کسی سے پیچھے نہ رہیں اور پاکستان کی کھلاڑی فاطمہ ثناء کو آئی سی سی نے ایمرجنگ کرکٹر آف دی ایئر قرار دیا ہے۔