پاکستان نے کرتار پور راہداری سے گوردوارہ درشن کے لئے آنے والی سکھ لڑکی کی پاکستانی علاقے میں داخل ہونے کی کوشش ناکام بنادی ہے۔
تفصیلات کے مطابق اس واقعے کے بعد پورے علاقے میں سیکورٹی مزید سخت کر دی گئی جبکہ اس کے علا وہ پاکستانی وزیٹرز کے لئے گردوارہ سے واپسی پر بھی بائیومیٹرک لازمی قرار دے دی گئی ہے۔
ذرائع کے مطابق مطابق 23نومبر کوہریانہ سے تعلق رکھنے والی سکھ لڑکی منجیت کور یاتری کے روپ میں اپنے پاکستانی فیس بک بوائے فرینڈ سے ملنے کے لئے راہداری کے ذریعے گوردوارہ پہنچی جہاں فیصل آباد سے آیاہوا اس کا بوائے فرینڈ اپنے ایک دوست اور ایک پاکستانی لڑکی کے ساتھ موجود تھا۔
سکھ یاتری منجیت کور نے گوردوارہ کی پہلی منزل پر جا کران سب سے ملاقات کی اور پھر راہداری سے واپس جانے کے بجائے پاکستانی علاقے میں جانے کا منصوبہ بنالیا۔۔
ذرائع کے مطابق سکھ لڑکی کے بوائے فرینڈ کے ہمراہ آنے والی پاکستانی لڑکی نے اپنا وزیٹر کارڈ بھارتی سکھ لڑکی کو دے دیا اور سکھ لڑکی کا یاتری کارڈ گوردوارے کے ایک کوڑے دان میں پھینک دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News