امریکی ریاست مشی گن میں 141سال قدیم فروٹ کیک دنیا بھر کے لوگوں کی توجہ کامرکز بن گیا۔

امریکی نشریاتی ادارے کے مطابق یہ قدیم فروٹ کیک مشی گن سے تعلق رکھنے والے ایک خاندان کا خاندانی ورثہ ہے جو فیڈیلیا فورڈ نامی ایک خاتون نے 1878 میں تیار کیا تھا۔

141سال پرانا کیک اب فیڈیلیا فورڈکی موجودہ پڑ پوتی کی پڑ پوتی جولی رٹنگر کے پاس آج بھی محفوظ ہے۔جولی بتاتی ہیں کہ ان کے لیے یہ کیک کسی عظیم ترچیز سے کم نہیں یہ ان کا خاندانی ورثہ اور ایک زندہ روایت ہے۔

فیڈیلیا فورڈ نے کرسمس کے موقع پرسردیوں کی چھٹیوں کے دوران کیک بنانے کی روایت رکھی اوراس روایت کو زندہ رکھنے اور اس دن کو یادگار بنانے کی غرض سےکیک محفوظ کرلیا تھا۔

 یہ قدیم کیک کسی موقع پر کھا لیا جاتاتاہم  فورڈ 65 برس کی عمر میں 1878 میں ہی انتقال کر گئیں اور ان کی فیملی نے یہ کیک ان کی یادگار کے طور پر محفوظ کرلیا۔

 1876 سے اب تک فورڈ کے خاندان کی آنے والی نسلیں ان کے ہاتھ سے بنا یہ کیک کرسمس کے موقع پر ایک مرتبہ لازمی دیکھتے ہیں اور فورڈ کو یاد کرتے ہیں۔ قدیم کیک ان کے خاندان کی میراث بن چکا ہے۔

جولی سے قبل 2013 تک یہ کیک ان کے والد مورگن فورڈ کی نگرانی میں تھا لیکن اسی سال ان کی موت ہو گئی جس کے بعد جولی اس کیک کی دیکھ بھال جولی کرتی ہیں۔

 مورگن فورڈ نے فروٹ کیک کو اپنے آبائی اور قدیم مکان میں ایک شیشے کے برتن میں محفوظ رکھا تھا جو ان کی موت کے بعد سے آج تک وہیں رکھا ہوا ہے.

یہ بات حیرت انگیز ہے کہ گنیز ورلڈ ریکارڈز میں 141سال قدیم ترین فروٹ کیک کاکوئی ذکر نہیں البتہ کیکس کا عمومی ریکارڈ موجود ہے اور فورڈ کا تیارکردہ یہ کیک عالمی ریکارڈ سے کئی سو سال دور ہے.

 گنیزبک ورلڈ ریکارڈز کے مطابق دنیاکا سب سے پرانا کیک 4 ہزار 176 سال قدیم ہے۔

گنیز ورلڈ ریکارڈ درج قدیم ترین کیک مصر کے ایک مقبرے سے ملا تھا اس وقت یہ کیک نمائش کی غرض سے سوئٹزرلینڈ کے عجائب گھر میں موجود ہے۔